وسىعان وراي الماتى زووباعى ياگۋاردىڭ ەرەكشە تىرشىلىگى تۋرالى ايتىپ بەردى.
بۇل كۇن جابايى تابيعاتتا وسى جانۋارلار ءتۇرىنىڭ جويىلىپ كەتۋ قاۋپىنە نازار اۋدارۋعا ارنالعان، دەپ حابارلايدى Almaty-akshamy.kz
ديانا اتتى ياگۋار 2007 جىلى الماتى زووباعىندا دۇنيەگە كەلگەن. دەگەنمەن سول جىلى جايسىز وقيعا بولعان. ونىڭ اكەسى، بەلگىسىز سەبەپتەرمەن ديانانىڭ اياعىن قاتتى جاراقاتتاپ، قۇيرىعىنىڭ ءبىر بولىگىن جۇلىپ العان.
"الايدا ۆەتەرينارلارىمىز دياناعا دەر كەزىندە كومەك بەرىپ، اياعىنىڭ امان قالعان بولىگىن ساقتاپ قالدى. ياگۋار ۇنەمى ۆەتەرينارلاردىڭ باقىلاۋىندا. ءقازىر ديانا – الماتى حايۋاناتتار باعىندا كوپ جىلدان بەرى تۇراتىن، كەلۋشىلەرىمىزدىڭ سۇيىكتى جانۋارلارىنىڭ ءبىرى"، - دەلىنگەن زووباقتىڭ Instagram-داعى پاراقشاسىندا.
مامانداردىڭ ايتۋىنشا، ديانا دەنەسىندەگى جاراقاتتارىنا قاراماستان شيراق قيمىلدايدى، اينالاسىمەن دە جاقسى قارىم-قاتىناستا.
"كورىكتى جانۋارىمىزعا مىقتى دەنساۋلىق، ۇزاق ءومىر تىلەيمىز"، - دەپ قوستى الماتى حايۋاناتتار باعى.