«قازگيدرومەت» رمك مالىمەتىنشە، اۋا رايىنا بايلانىستى ەسكەرتۋ استانا قالاسى مەن ەلىمىزدىڭ 12 وبلىسىندا جاريالانعان، دەپ حابارلايدى almaty-akshamy.kz.
30 قاراشادا استانادا كوكتايعاق بولادى.
قاراعاندى وبلىسى مەن ۇلىتاۋ وبلىسىندا كوكتايعاق بولادى. وڭتۇستىك-باتىستان جەل سوعىپ، كۇندىز وبلىستىڭ سولتۇستىگىندە ەكپىنى 18 م/س دەيىن جەتەدى.
ماڭعىستاۋ وبلىسىندا وڭتۇستىك-شىعىستان جەل سوعادى، تۇندە وبلىستىڭ وڭتۇستىگىندە، ال كۇندىز – وڭتۇستىگى مەن ورتالىعىندا جەل 18-20 م/س دەيىن كۇشەيەدى.
الماتى وبلىسىندا قاتتى جاۋىن-شاشىن بولىپ، تۇمان تۇسەدى.
اقتوبە وبلىسىندا تۇمان بولادى.
سولتۇستىك قازاقستان وبلىسىندا كوكتايعاق، جاياۋ بۇرقاسىن بولىپ، تۇمان تۇسەدى. وڭتۇستىك-شىعىستان جەل سوعىپ، وبلىستىڭ وڭتۇستىگى مەن باتىسىندا ەكپىنى 15-20 م/س دەيىن جەتەدى.
قوستاناي وبلىسىندا جاۋىن-شاشىن، كوكتايعاق، تۇمان جانە بۇرقاسىن بولادى دەپ بولجانۋدا.
اقمولا وبلىسىندا كوكتايعاق، جاياۋ بۇرقاسىن بولىپ، تۇمان تۇسەدى. وڭتۇستىك-باتىستان جەل سوعىپ، وبلىستىڭ باتىسىندا، وڭتۇستىگىندە جانە سولتۇستىگىندە ەكپىنى 15-20 م/س-كە جەتەدى.
جەتىسۋ وبلىسىندا باتىستان سوعاتىن جەلدىڭ جىلدامدىعى سەكۋندىنا 15-20 مەترگە جەتەدى، تۇندە جەل ەكپىنى كەي كەزدە 25 م/س دەيىن كۇشەيەدى.
پاۆلودار وبلىسىندا – تۇمان، كوكتايعاق. وڭتۇستىك-باتىستان جەل سوعىپ، كۇندىز وبلىستىڭ باتىسىندا، وڭتۇستىگىندە ەكپىنى 15-20 م/س دەيىن جەتەدى.
تۇركىستان وبلىسىندا كەي كەزدەرى قاتتى جاۋىن (جاڭبىر، قار) جاۋادى، كوكتايعاق بولىپ، تۇمان تۇسەدى. سولتۇستىك-باتىستان سوعاتىن جەل باعىتىن شىعىسقا اۋىستىرىپ، تۇندە وبلىستىڭ سولتۇستىگىندە جەل 15-20 م/س دەيىن كۇشەيەدى.
اباي وبلىسىندا تۇمان تۇسەدى. وڭتۇستىك-شىعىستان سوعاتىن جەل باعىتىن وڭتۇستىك-باتىسقا اۋىستىرادى. وبلىستىڭ باتىسىندا، ورتالىعىدا جەل ەكپىنى 15-20، كەي كەزدە 25 م/س دەيىن جەتەدى.