تالعات جاقىپبەك ۇلى بيگەلدينوۆ – اۆياسيا گەنەرال-مايورى، كەڭەس وداعىنىڭ ەكى مارتە باتىرى، «بارىس» وردەنىنىڭ يەگەرى. 1922 جىلى 5-تامىزدا دۇنيەگە كەلگەن. بيىل اتامىزعا 98 جىل. ۇشاقپەن كوك جۇزىندە 500 ساعات بولعان. 305 رەت اسكەري شابۋىلعا شىعىپ، جاۋ ۇياسى – بەرليندى الۋعا ءبىرىنشى بولىپ قاتىستى.
1. تالعات بيگەلدينوۆ كوش كەزىندە تۇيەگە تىركەلگەن ۇلكەن ەكى دوڭعالاقتى اربادا دۇنيەگە كەلگەن.
2. بىشكەكتە جۇرگەندە وگەي شەشەسى دۇرىس قاراماي، اشقۇرساق قالىپ، امال جوق تاۋدان كەسىرتكە، جىلان اۋلاپ جۇرەك جالعاعان كەزى بولعان.
3. بالا كۇنىندە ۇيدە بيە مەن سيىردى باعىپ، ونى كەيىن ساۋاتىن تالعات بولعان.
4. 23 جاسىندا كەڭەس وداعىنىڭ ەكى مارتە باتىرى اتاعىن العان جالعىز قازاق.
5. اۆياسيا گەنەرال-مايورى
6. جاسى ۇلعايعان شاعىندا ومارتاشىلىقپەن اينالىستى.
7. فاشيستەر بيگەلدينوۆتىڭ ۇشاعىنا «قارا ءولىم» دەگەن لاقاپ ات بەرگەن. ال ارىپتەستەرى ونى «قازاقتىڭ قىرانى» دەپ ەركەلەتكەن. ايتپاقشى، ونىڭ ۇشاعىنىڭ ءنومىرى 13 بولعان.
8. مايدان كومانديرى يۆان كونيەۆ ونى «باقىراۋىق» (كريكۋن) دەپ ەركەلەتكەن. سەبەبى، بيگەلدينوۆتىڭ نەگىزگى مىندەتى بارلاۋشىلىق ەدى. سودان ونىڭ راديوستانساسى قۋاتتى. ول سويلەگەندە باسقا راديوستانسا توقتاپ قالادى ەكەن.
9. 200 ۇشاقپەن اسپانعا كوتەرىلگەن سايىن اجەسى ۇيرەتكەن «ءلاا حاۋلا ءۋا ءلاا قۋۋاتا ءيللا ءبيللااھيل الييل ازييم. ماشاا الللاھۋ كاانا ءۋا ءماا ءلام ياشا’ ءلام ۋكيان. ءال-يماانۋ يقرارۋن بيل-ليسااني ءۋا تاسدييقۋن بيل قالبي، بي ءماا ءجاا-ا بيھي مين ءينديللااھي. مۋحاممادۋن راسۋلۋللاھ ساللاللااھۋ ءالايھي ءۋا سالام» دۇعاسىن وقىعان.
10. سوعىس كەزىندە بارلىعى 500 ساعاتتاي اسپاندا ۇشىپ، جەكە ءوزى جاۋدىڭ 7 ۇشاعىن اتىپ تۇسىرگەن.