الماتى تۇرعىندارى پوليسەيلەرگە العىستارىن ءبىلدىردى

المالى اۋدانىنىڭ تۇرعىندارى ۋچاسكەلىك ينسپەكتورلار مەن پاترۋلدىك پوليسيا قىزمەتكەرلەرىنە العىستارىن ءبىلدىردى.

قوعام قايراتكەرىنەن الماتى قالالىق پد باسشىلىعىنىڭ اتىنا ءتارتىپ ساقشىلارىنىڭ ءوز مىندەتتەرىن ادال اتقارعانىن اتاپ وتكەن العىس حات كەلىپ ءتۇستى، دەپ حابارلايدى Almaty-akshamy.kz Polisia.kz-كە سىلتەمە جاساپ. 

حات اۆتورى اربات پەن وعان ىرگەلەس اۋماققا قىزمەت كورسەتەتىن پوليسەيلەردىڭ مۇقيات كوزقاراستارى ءۇشىن العىسىن بىلدىرەدى. ونىڭ ىشىنە قارت ادامنىڭ تۇرعىلىقتى جەرىنە جاقىن ورنالاسقان پوليسيا ءمودۋلى، وسى ايماقتىڭ ۋچاسكەلىك ينسپەكتورلارى، دابىلدارعا دەرەۋ ارەكەت ەتەتىن پاترۋلدىك ەكيپاجدار دا كىرەدى.

 «ەكى ءۇيدىڭ اراسىندا تىنىش كوشەدە جاستار ءجيى جينالادى، اۋەن قاتتى وينايدى، كولىكتەرمەن دريفت جاسايدى. ءبىزدىڭ قاۋىپسىزدىگىمىزگە، تىنىشتىققا جانە ءوز مىندەتتەرىڭىزگە ادال كوزقاراسپەن قاراپ، قىزمەت جاساپ جاتقاندارىڭىز ءۇشىن راقمەت. مەنىڭ العىس سوزدەرىم – قالا اۋداندارىن كۇنى-تۇنى پاترۋلدەيتىن، مىندەتى ءارقاشان قىراعى بولىپ، كەز كەلگەن جاعدايدا كومەككە كەلەتىندەر ءۇشىن قوسىمشا ىنتالاندىرۋ بولادى»، – دەدى ۇندەۋ اۆتورى.