تالعاردا بەلگىسىز بىرەۋلەر تۇرعىنداردى سوققىعا جىقتى

ونىڭ ۆيدەوسى الەۋمەتتىك جەلىدە تاراپ جاتىر

الماتى وبلىستىق پوليسيا تالعار اۋدانى بەساعاش اۋىلىنداعى «اسپان سيتي» تۇرعىن ءۇي كەشەنىنىڭ اۋلاسىندا تۇرعىنداردى سوققىعا جىققان ءبىر توپ جاس جىگىتتى ىزدەستىرىپ جاتىر، دەپ حابارلايدى Almaty-akshamy.kz.

ونىڭ ۆيدەوسى الەۋمەتتىك جەلىدە تاراپ جاتىر.

الماتى وبلىستىق پوليسيا دەپارتامەنتىنىڭ مالىمەتىنشە، وقيعا 12 ماۋسىمنان 13 ماۋسىمعا قاراعان ءتۇنى بولعان.

اتالعان فاكتى بويىنشا ق ر قىلمىستىق كودەكسىنىڭ 293-بابى (بۇزاقىلىق) بويىنشا قىلمىستىق ءىس قوزعالدى.

"ءىس ماتەريالدارىندا جابىرلەنۋشى رەتىندە بەس جەرگىلىكتى تۇرعىن بار، ونىڭ ەكەۋى ءتۇرلى دەنە جاراقاتتارىمەن اۋرۋحاناعا جەتكىزىلدى. قازىرگى ۋاقىتتا پوليسيا قىزمەتكەرلەرى اتالعان فاكتى بويىنشا بەينەجازبانى زەردەلەۋدە، سونداي-اق وقيعانىڭ كۋاگەرلەرىنەن جاۋاپ الۋدا"، - دەپ اتاپ ءوتتى پوليسيانىڭ باسپا ءسوز قىزمەتىنەن.

ۆەدومستۆا وكىلدەرىنىڭ ايتۋىنشا، بۇزاقىلاردى انىقتاۋ جانە ۇستاۋعا باعىتتالعان جەدەل-ىزدەستىرۋ ءىس-شارالارى ۇيىمداستىرىلدى. قىلمىستىق ءىستىڭ تەرگەۋ بارىسى وبلىستىق پوليسيا باسشىلىعىنىڭ ەرەكشە باقىلاۋىندا.