بۇۇ باس حاتشىسى ادامزاتقا ءتونىپ تۇرعان ءقاۋىپ تۋرالى ايتتى

ونجىلدىقتىڭ قورىتىندىسى بويىنشا اۋاعا بولىنەتىن زياندى قالدىقتار كولەمى 14%-عا ارتادى

بىرىككەن ۇلتتار ۇيىمىنىڭ باس حاتشىسى انتونيۋ گۋتەرريشتىڭ ايتۋىنشا، جەر شارى حالقىنىڭ جارتىسىنا جۋىعى كليماتتىڭ وزگەرۋىنە بايلانىستى قاۋىپ-قاتەرمەن بەتپە-بەت كەلەدى.

بۇل تۋرالى ول اۆستريالىق الەمدىك سامميتكە قاتىسۋشىلار الدىنداعى ۇندەۋىندە مالىمدەدى، دەپ حابارلايدى Almaty-akshamy.kz Baq.kz-سىلتەمە جاساپ.

ونىڭ ايتۋىنشا، كليماتقا بايلانىستى داعدارىستىڭ ەڭ ناشار سالدارىنىڭ ءوزىن مۇمكىندىگىنشە تەزىرەك بولدىرماۋدىڭ جولىن قاراستىرۋ كەرەك. گۋتەرريش ءبىزدىڭ پلانەتامىزدىڭ 1،2 گرادۋسقا جىلىنعانىن اتاپ ءوتتى. بۇۇ باس حاتشىسى بارشانى بەلگىلەنگەن شەكتى 1،5 گرادۋستان اسىرماس ءۇشىن جانە عاسىردىڭ ورتاسىنا قاراي اۋاعا بولىنەتىن زياندى قالدىقتاردىڭ نولدىك دەڭگەيىنە جەتۋ ءۇشىن ونى 2030 جىلعا قاراي 45% تومەندەتۋگە شاقىردى.

بۇۇ باس حاتشىسىنىڭ مالىمەتىنشە، 2021 جىلى ەنەرگەتيكالىق سالاداعى CO2 زياندى قالدىقتارى 6%-عا ءوستى. وسى ونجىلدىقتىڭ قورىتىندىسى بويىنشا اۋاعا بولىنەتىن زياندى قالدىقتار كولەمى 14%-عا ارتادى.

«كوپتەگەن ەلدىڭ بيلىگى ۋاقىتتى سوزىپ جاتقاندا، ارەكەتسىزدىك اۋىر زارداپتارعا اكەلىپ جاتىر. كليماتتىڭ وزگەرۋى ءقازىردىڭ وزىندە سەزىلىپ قالۋدا جانە ادامزاتتىڭ جارتىسىنا جۋىعى ءقاۋىپتى ايماققا ءتۇسىپ وتىر»، - دەيدى بۇۇ باس حاتشىسى انتونيۋ گۋتەرريش.