تالعار قالاسىنا جاڭا اكىم سايلاندى. سايلاۋ ناتيجەسى بويىنشا بۇل قىزمەتكە ارىستانبەك ءابىلقايىر ۇلى تاعايىندالدى، دەپ حابارلايدى aqshamnews.kz
تالعار اۋداندىق اۋماقتىق سايلاۋ كوميسسياسىنىڭ مالىمەتىنشە، ارىستانبەك ءابىلقايىرۇلىنا 9 071 سايلاۋشى داۋىس بەرگەن.
– سايلاۋشىلار تىزىمىنە بارلىعى 42 774 ادام ەنگىزىلدى، ونىڭ ىشىندە 12 875 ازامات داۋىس بەرۋگە قاتىستى. اكىمدىككە ۇمىتكەرلەر اراسىندا جانىبەك كادەنوۆ 1 875، ال الىبەك رامازانوۆ 1 140 داۋىس جينادى. سونىمەن قاتار، 182 سايلاۋشى «بارلىعىنا قارسى» داۋىس بەردى.
سايلاۋ قورىتىندىسى بويىنشا تالعار قالاسىنىڭ اكىمى بولىپ ارىستانبەك ءابىلقايىر ۇلى سايلاندى، – دەلىنگەن حابارلامادا.
ەسكە سالايىق، تىزىمدە ءۇش كانديدات بولدى.