بۇۇ مالىمەتىنشە، قازاقستان Online Service Index رەيتينگىسىنىڭ ۇزدىك وندىعىنا ەندى.
بۇل يندەكس ونلاين-مەملەكەتتىك قىزمەتتەردىڭ قولجەتىمدىلىگىن، ولاردىڭ الۋان تۇرلىلىگى مەن تولىقتىعىن – ءوتىنىم بەرۋ پروسەسىنەن باستاپ ناتيجەلەردى الۋعا دەيىنگى بارلىق كەزەڭدەردى قامتيدى.
2024 جىلى رەيتينگتىڭ كوشباسشىسى بولىپ ماكسيمالدى ۇپاي جيناعان وڭتۇستىك كورەيا تانىلدى، ال ءتىزىمنىڭ سوڭعى ورنىن ەڭ تومەنگى كورسەتكىشپەن ەريترەيا يەلەندى، دەپ حابارلايدى Energyprom.
قازاقستان العاشقى وندىقتى تۇيىندەپ، تمد جانە ورتالىق ازيا ەلدەرىنىڭ بارلىعىن باسىپ وزدى، سونداي-اق تەحنولوگيالىق جەتىستىكتەرىمەن تانىمال جاپونيادان ءسال عانا ارتتا قالدى.
سالىستىرىپ قاراساق، ارمەنيا 53-ورىندا، رەسەي – 56-ورىندا، وزبەكستان – 59-ورىندا، قىرعىزستان – 89-ورىندا بولسا، تۇرىكمەنستان رەيتينگتىڭ سوڭىندا، 172-ورىندا قالدى.
قازاقستاندا سيفرلاندىرۋدىڭ ۇزدىك مىسالدارىنىڭ ءبىرى – ينجەنەرلىك جەلىلەرگە قوسىلۋعا تەحنيكالىق شارتتار بەرۋ پروسەسىنىڭ اۆتوماتتاندىرىلۋى. بۇل ءادىس سىبايلاس جەمقورلىق تاۋەكەلدەرىن بولدىرماي، قازاقستاندىقتارعا «ءبىر تەرەزە» قاعيداتى بويىنشا قىزمەت الۋعا مۇمكىندىك بەرەدى.