تالدىقورعان قالاسىنداعى «جاستار» سپورت سارايىندا ب ا ق وكىلدەرى اراسىندا شاعىن فۋتبولدان بەلگىلى جۋرناليست، قوعام قايراتكەرى بەيسەن قۇرانبەكتى ەسكە الۋعا ارنالعان تۋرنير ءوتتى، دەپ حابارلايدى Almaty-akshamy.kz 7kun.kz-كە سىلتەمە جاساپ.
ءتۋرنيردىڭ سالتاناتتى اشىلۋىنا بەيسەن قۇرانبەكتىڭ جاقىن تۋىستارى، جەتىسۋ وبلىسى اكىمىنىڭ ورىنباسارى رۋستام ءالي، «جەتىسۋ» ترك باس ديرەكتورى سەرىك ابىكەن ۇلى، MediaLab كوممۋنيكاسيا اگەنتتىگىنىڭ ديرەكتورى ريشات اسقاربەك ۇلى، تالدىقورعان قالالىق اكىمدىگى وكىلدەرى قاتىسىپ، ءسوز سويلەدى.
«جەتىسۋ» تەلەارناسى مەن «جەتىسۋ» گازەتى، جانە Janr ادەبي كلۋبى ۇيىمداستىرعان تۋرنيرگە استانا، الماتى، تاراز، شىمكەنت، وسكەمەن، تالدىقورعان قالالارىنان كەلگەن 8 كوماندا قاتىستى.
تۋرنير قورىتىندىسى بويىنشا تومەندەگى كوماندالار جەڭىمپاز بولدى:
1 ورىن — «ەكسپرەسس-ك» كومانداسى
2-ورىن — «قارەكەت» كومانداسى
3-ورىن — «حابار — استانا» كومانداسى
4-ورىن — «تاراز-پرەسس» كومانداسى
سونىمەن قاتار «الماتى» قۇراماسىنا جۇماتاي جاقىپبايەۆ اتىنداعى، «شىعىس اقپارات» قۇراماسىنا نۇرتىلەۋ يمانعالي ۇلى اتىنداعى ارنايى سىيلىق تاپسىرىلدى.
بيىلعى تۋرنيرگە جەتىسۋ وبلىسىنىڭ اكىمدىگى مەن «Medialab» كومۋنيكاسيا اگەنتتىگى جانە كوكسۋ اۋدانىنىڭ اكىمدىگى دەمەۋشىلىك جاسادى.