"اق-جول-اۆتوجول" باقىلاۋ-وتكىزۋ بەكەتى ارقىلى وتۋىنە رۇقسات بەرىلمەگەن
قىرعىزستان پارلامەنتىنىڭ ەكى دەپۋتاتى ەميل جامگىرچييەۆ پەن شىڭعىس ايداربەكوۆ قىرعىز-قازاق شەكاراسىنان وتكىزىلمەدى، دەپ حابارلايدى Almaty-akshamy.kz aikyn.kz-كە سىلتەمە جاساپ.
دەپۋتاتتار قازاقستانعا جەكە شارۋالارىمەن كەلمەك بولعانى ناقتىلاندى. الايدا ولاردىڭ "اق-جول-اۆتوجول" باقىلاۋ-وتكىزۋ بەكەتى ارقىلى وتۋىنە رۇقسات بەرىلمەگەن. كەيبىر مالىمەت بويىنشا، ول جەرگە ارنايى قىزمەت وكىلدەرى جەتىپ، ەكەۋىن دە ۇلتتىق قاۋىپسىزدىك مەملەكەتتىك كوميتەتىنە الىپ كەتكەن.
24.kg اقپارات اگەنتتىگىنىڭ مالىمەتىنشە، كەمپىر-اباد سۋ قويماسىن وزبەكستانعا بەرۋگە قارسى داۋىس بەرگەندەردىڭ قاتارىندا ەميل جامگىرچييەۆ پەن شىڭعىس ايداربەكوۆ بار. ەكەۋى دە "اليانس" فراكسياسىنىڭ مۇشەلەرى.
كەيىن پارلامەنت دەپۋتاتى ەلۆيرا سۋرابالدييەۆا Twitter پاراقشاسىندا ەميل جامگىرچييەۆتىڭ ۇلتتىق قاۋىپسىزدىك مەملەكەتتىك كوميتەتىنەن بوساتىلعانىن حابارلادى.
ونىڭ ايتۋىنشا، ارىپتەستەرى ەميل جامگىرچييەۆ پەن شىڭعىس ايداربەكوۆ قوردايداعى (قازاقستان) وتكىزۋ بەكەتى ارقىلى جەرلەۋگە بارا جاتقان.