جازعى ويىندار 3 تامىزعا دەيىن جالعاسادى.
جەتىسۋ وڭىرىندە اۋىل جاسوسپىرىمدەرىنىڭ IV جازعى ويىندارى باستالدى. جارىس سپورتتىڭ 12 تۇرىنەن وتۋدە. وعان ەلىمىزدىڭ 14 وبلىسىنان 3 مىڭنان استام سپورتشى قاتىسادى، دەپ حابارلايدى Almaty-akshamy.kz.
جارىس باعدارلاماسىنا سايكەس، ۆولەيبول مەن اسىق اتۋدان «جاستار» سپورت سارايىندا، گرەك-ريم كۇرەسى، ەركىن كۇرەس، قازاق كۇرەسىنەن «وركەن» سپورت كەشەنىندە، دزيۋدودان «جاستار 2» سپورت كەشەنىندە، شاعىن فۋتبولدان «بولاشاق» ستاديونىندا، كوگالداعى حوككەيدەن «بەسارىس» ستاديونىندا، باسكەتبول 3ح3-تەن ءى.جانسۇگىروۆ اتىنداعى ۋنيۆەرسيتەتىنىڭ سپورت كەشەنىندە، ۇستەل تەننيسىنەن «جەتىسۋ» تەننيس ورتالىعىندا، توعىزقۇمالاقتان جاستارعا قىزمەت كورسەتۋ ورتالىعىندا، ارمرەستلينگتەن وتەناي اۋىلدىق وكرۋگىنىڭ مادەنيەت ۇيىندە وتەدى. جازعى ويىندار 3 تامىزعا دەيىن جالعاسادى.
«ءتورت جىلدا ءبىر رەت جالاۋىن جەلبىرەتەتىن بۇل دودا وسىعان دەيىن 2018 جىلى سىر وڭىرىندە وتكەن بولاتىن»، - دەلىنگەن جەتىسۋ وبلىسى اكىمىنىڭ باسپا ءسوز قىزمەتىنىڭ حابارلاماسىندا.