«سايگا» كارابينى، «يج-56» ارالاس مىلتىعىنىڭ كەسىندىسى، سيگنالدىق ريەۆولۆەر، تاپانشا
تالدىقورعاندا اتىس قارۋى بار قويما تابىلدى، دەپ حابارلايدى Almaty-akshamy.kz.
تالدىقورعانداعى ساياجايلاردىڭ بىرىنەن ءوڭىردىڭ پوليسەيلەرى ۇلتتىق قاۋىپسىزدىك كوميتەتىنىڭ جەتىسۋ وبلىستىق دەپارتامەنتىندەگى جەدەل ۋاكىلدەرىمەن بىرلەسىپ ءىرى قارۋ قويماسىن انىقتادى.
«قويمادان «سايگا» كارابينى، «يج-56» ارالاس مىلتىعىنىڭ كەسىندىسى، سيگنالدىق ريەۆولۆەر، تاپانشا، سونىمەن قاتار 100-دەن استام ءتۇرلى كاليبرلى پاتروندار، 13 گيلزا، كىسەن جانە كوبۋرا تاركىلەندى»،- دەلىنگەن جەتىسۋ وبلىستىق پوليسيا دەپارتامەنتى باسپا ءسوز قىزمەتىنىڭ حابارلاماسىندا.
ۆەدومستۆونىڭ اقپاراتىنا سايكەس، اتالعان دەرەك بويىنشا قىلمىستىق ءىس تىركەلىپ، تەرگەۋ باستالدى. تاركىلەنگەن زاتتار ساراپتاماعا جىبەرىلدى.