جارىسقا الماتى وبلىسىنىڭ 12 مەكتەبىنىڭ جاس قۇتقارۋشىلارى قاتىستى
2022 جىلدىڭ 12 مامىر كۇنى الماتى وبلىسى توتەنشە جاعدايلار دەپارتامەنتى، الماتى وبلىسىنىڭ ءورت-قۇتقارۋ سپورتى فەدەراسياسىمەن بىرلەسىپ، «بالالار جىلىن جاريالاۋ تۋرالى» قازاقستان رەسپۋبليكاسى پرەزيدەنتىنىڭ 2022 جىلعى 19 قاڭتارداعى № 780 جارلىعى شەڭبەرىندە «جاس قۇتقارۋشىلار» جاساعىنىڭ مۇشەلەرى اراسىندا ءورت-قۇتقارۋ سپورتى بويىنشا جارىس وتكىزدى، دەپ حابارلايدى Almaty-akshamy.kz.
جارىستىڭ نەگىزگى ماقساتى: توتەنشە جاعدايلار تۋىنداعان كەزدە دۇرىس مىنەز-قۇلىق داعدىلارىنا ۇيرەتۋ جانە زارداپ شەككەندەرگە دارىگەرگە دەيىنگى كومەك كورسەتۋ، بالالار مەن جاستار اراسىندا سالاۋاتتى جانە ءقاۋىپسىز ءومىر سالتىن ناسيحاتتاۋ، جەكە جانە ۇجىمدىق قاۋىپسىزدىك ماسەلەلەرىنە سانالى جانە جاۋاپتى قاتىناستى قالىپتاستىرۋ.
جاس قۇتقارۋشىلار جاساقتارىن دايىنداۋ جۇيەسىندە ءورت-قۇتقارۋ سپورتى ماڭىزدى ورىن الادى. ول بالالاردىڭ بويىندا ەپتىلىك پەن شىدامدىلىقتى دامىتادى، باتىلدىق پەن ەرلىكتى دامىتادى، ءورت ءسوندىرۋ جاعدايىندا جىلدام باعدارلاۋ داعدىلارىن تاربيەلەيدى.
جارىس ءتوراعاسى - الماتى وبلىسى تجد باستىعىنىڭ ورىنباسارى پودپولكوۆنيك ي.ە. جۋكوۆ جارىستى اشىپ، بارلىق قاتىسۋشىلاردى ولاردىڭ باستالۋىمەن قۇتتىقتاپ، ولارعا ۇلكەن تابىستار مەن جەڭىستەر تىلەدى.
جارىسقا الماتى وبلىسىنىڭ 12 مەكتەبىنىڭ جاس قۇتقارۋشىلارى قاتىستى. جارىس 4 كەزەڭدە ءوتتى. جارىس كەزەڭدەرى كەلەسى تۇرلەردەن تۇردى: شابۋىل ساتىسىمەن 2 قابات تەرەزەسىنە كوتەرىلۋ، ورت-تەحنيكالىق جابدىقتاردى جاۋىنگەرلىك ورىستەتۋ، 4ح80 مەتر قۇراييتىن ءورت ەستافەتاسى، زارداپ شەگۋشىگە العاشقى مەديسينالىق كومەك كورسەتۋ. جارىس سوڭىندا قورىتىندى شىعارىلىپ، جەڭىمپاز كوماندالار ماراپاتتالدى. جالپى كوماندالىق ەسەپتە ءبىرىنشى ورىندى ەسكەلدى اۋدانىنىڭ قۇراما كومانداسى، ەكىنشى ورىندى تالدىقوعان قالاسىنىڭ «№8 وم» كمم، ءۇشىنشى ورىندى قاراتال اۋدانىنىڭ قۇراما كومانداسى يەلەندى. سونداي-اق، جەكە جەتىستىكتەرى ءۇشىن كوزگە تۇسكەن قاتىسۋشىلاردى باعالى سىيلىقتارمەن ماراپاتتالدى.