اۋرۋحاناعا 3-4 كۇن بۇرىن تۇسكەن
تالدىقورعان قالاسىنىڭ اكىمى اسەت ماسابايەۆ جانساقتاۋ بولىمىنە ءتۇستى، دەپ حابارلايدى Almaty-akshamy.kz Massaget.kz سايتىنا سىلتەمە جاساپ.
بۇل تۋرالى جۋرناليست، بلوگەر ساندۋعاش دۇيسەنوۆا Instagram-پاراقشاسىندا حابارلاعان بولاتىن. اقپاراتتىڭ ءمان-جايىن انىقتاۋ ماقساتىندا Massaget.kz ءتىلشىسى اسەت ماسابايەۆتىڭ وكىلى ءمادي شاكەنوۆكە حابارلاستى.
"بۇل راس اقپارات. ءبىراق ءقازىر اكىمنىڭ جاعدايى تۇراقتى. جاعدايى دۇرىستالدى. ءقازىر جالپى پالاتادا جاتىر. جانساقتاۋ بولىمىنە جۇيكە جۇيەسىنە بايلانىستى اۋرۋحاناعا 3-4 كۇن بۇرىن تۇسكەن. جانساقتاۋ بولىمىندە ەكى كۇندەي جاتتى"، - دەيدى ءمادي شاكەنوۆ.
ايتا كەتەيىك، تالدىقورعان قالاسىنىڭ اكىمى اسەت ماسابايەۆ 1985 جىلى الماتى وبلىسىندا تۋعان. ەڭبەك جولىن 2007 جىلى "الماتى ەلەكتر ستانسياسىندا" ەلەكترومونتەر بولىپ باستاعان.
2008 جىلدان 2010 جىلدارى "ناز" جشس-دە باس ەنەرگەتيك، "الماز جانە كيۋس" جشس-دە تەحنيكالىق ديرەكتور بولىپ جۇمىس ىستەگەن.
2010 جىلدان 2013 جىلدارى الماتى قالاسى ەنەرگەتيكا جانە كوممۋنالدىق شارۋاشىلىق باسقارماسىندا جەتەكشى ماماننىڭ مىندەتىن اتقارۋشىدان ەنەرگيا، جىلۋمەن قامتۋ ءبولىمىنىڭ باستىعىنا دەيىنگى جولداردان وتكەن.
ءار جىلدارى جەتىسۋ جانە مەدەۋ اۋداندارى اكىمدەرىنىڭ ورىنباسارى، الماتى قالاسى اكىمىنىڭ باس ينسپەكتورى، قالانىڭ تابيعي رەسۋرستار جانە تابيعاتتى پايدالانۋ باسقارماسىنىڭ، ەنەرگوتيىمدىلىك جانە ينفراقۇرىلىمدىق دامۋ باسقارماسىنىڭ باسشىسى بولعان.
2019 جىلدىڭ ءساۋىر ايىنان باستاپ الماتى قالاسىنىڭ ەنەرگوتيىمدىلىك جانە ينفراقۇرىلىمدىق دامۋ باسقارماسىنىڭ باسشىسى قىزمەتىن اتقارعان.
2019-2020 جىلدارى - الماتى قالاسى ەنەرگيا تيىمدىلىگى جانە ينفراقۇرىلىمدىق دامۋ باسقارماسىنىڭ باسشىسى. 2020 جىلعى 12 قىركۇيەك الماتى قالاسى مەدەۋ اۋدانىنىڭ اكىمى.
2022 جىلعى 04 ناۋرىزدان باستاپ تالدىقورعان قالاسىنىڭ اكىمى.