پيچينگ كوميسسيا جۇمىسى اياقتالعاننان كەيىن وتكىزىلەدى
مادەنيەت جانە سپورت ۆيسە-مينيسترى نۇرعيسا داۋەشوۆ كينەماتوگرافيستەر مەن ۇلتتىق كينونى مەملەكەتتىك قولداۋ ورتالىعى اراسىنداعى داۋعا پىكىر ءبىلدىردى، دەپ حابارلايدى Almaty-akshamy.kz.
«قازىرگى ۋاقىتتا مەملەكەت قارجىسىن الۋعا ۇمىتكەر كينوجوبالاردىڭ كەزەكتى – بەسىنشى كونكۋرسى ءوتىپ جاتىر. ونىڭ ۇيىمداستىرۋشىسى - ۇلتتىق كينونى مەملەكەتتىك قولداۋ ورتالىعى. بيىل ەلەكتروندى جانە قاعاز فورماتىندا 290 ءوتىنىم كەلىپ ءتۇستى. كەي كينەماتوگرافيستەر كينو ورتالىعى (ۇكقمو) وتكىزگەن كونكۋرستىڭ ناتيجەسىمەن كەلىسپەيدى. حالىق ۇنىنە قۇلاق اساتىن مەملەكەت قاعيداتىن باسشىلىققا الا وتىرىپ جانە كەلىپ تۇسكەن وتىنىشتەردى ەسكەرىپ، ءمينيستردىڭ تاپسىرماسى بويىنشا كەلىپ تۇسكەن بارلىق وتىنىمدەردى قايتا قارايتىن تاۋەلسىز كوميسسيا قۇرىلادى»، - دەپ جازدى نۇرعيسا داۋەشوۆ Facebook پاراقشاسىندا.
ونىڭ ايتۋىنشا، بۇل وبەكتيۆتىلىكتى قامتاماسىز ەتۋ ءۇشىن جاسالىپ وتىر.
«سونىمەن قاتار، وتاندىق فيلمدەردى قارجىلاندىرۋ تۋرالى ايتىپ وتىرعانىمىزدى جانە ساپالى فيلمدەردى شىعارۋ مەن قارجىلاندىرۋ باستى نازاردا بولاتىنىن ءتۇسىنۋىمىز ماڭىزدى»، - دەيدى ول
ترانسپارەنتتىلىكتى قامتاماسىز ەتۋ ءۇشىن قاجەتتى جۇمىستىڭ ءبارى جاسالادى. پيچينگ كوميسسيا جۇمىسى اياقتالعاننان كەيىن وتكىزىلەدى.