المالى اۋدانى
بارلىق جەردە ساياسي ناۋقانعا دايىندىق جۇمىستارى قىزۋ جۇرگىزىلىپ جاتىر دەپ ويلايمىز. سوندىقتان ءبىزدىڭ دە الداعى وتەتىن رەفەرەندۋمعا دايىندىعىمىز جامان ەمەس. №36 بولتىرىك اتىحان ۇلى اتىنداعى گيمنازيادا №86 جانە №90 سايلاۋ ۋچاسكەلەرى ورنالاسقان.
مەن ءوزىم مۇشەسى بولىپ تابىلاتىن №90 سايلاۋ ۋچاسكەسىندە 2570 سايلاۋشى تىركەلگەن. ولاردىڭ ىشىندە اۋرۋحانالاردا ەم الىپ نەمەسە ۇيلەرىندە ناۋقاستانىپ جاتقاندار دا كەزدەسەدى.
بەلگىلى ءبىر سەبەپتەرمەن داۋىس بەرۋگە كەلە المايتىندار بولادى. مۇنداي جاعدايدا ءبىز ولارعا ءوزىمىز بارامىز. بۇگىنگى سايلاۋ كوميسسياسى قىزمەتىنىڭ باستى باعىتتارىنىڭ ءبىرى – مۇمكىندىگى شەكتەۋلى ازاماتتاردىڭ سايلاۋ قۇقىعىن قامتاماسىز ەتۋ بولىپ تابىلادى. ويتكەنى، بۇرىندارى ولار ۇيلەرىندە داۋىس بەرەتىن. ياعني، مۇمكىندىگى شەكتەۋلى ازاماتتار ءوتىنىش جازعاننان كەيىن، كوميسسيا مۇشەلەرى ۇيلەرىنە باراتىن.
ال ءقازىر باسقاشا. جاعداي وزگەرگەن. ماسەلەن، بىزدە عيماراتقا كىرە بەرىستە مۇمكىندىگى شەكتەۋلى جاندارعا ارنالعان پاندۋستار بار. داۋىس بەرۋگە ارنالعان كابينالارى دايىن.
جالپى، سايلاۋ ۋچاسكەسى ورنالاسقان مەكتەپ عيماراتى بارلىق تالاپقا ساي جابدىقتالعان. دالىزگە كىرگەن بويدا قابىرعادا ءىلۋلى تۇرعان رامىزدەر ەرىكسىز كوزگە تۇسەدى. بۇل داۋىس بەرۋگە كەلگەن سايلاۋشىنىڭ رۋحىن كوتەرىپ، ءوز ەلى ءۇشىن تاڭداۋ جاساۋىنا دەم بەرەتىندەي... تاكتيلدى كورسەتكىشتەر، رەفەرەندۋم جايىنداعى بەينەروليك كورسەتىلىپ تۇراتىن مونيتورلار قويىلعان.
قىسقاسىن ايتقاندا، №90 سايلاۋ ۋچاسكەسى حالىقتىڭ، سونىڭ ىشىندە مۇمكىندىگى شەكتەۋلى ازاماتتاردىڭ ءوز تاڭداۋىن جاساۋعا كەدەرگىسىز قول جەتكىزۋىنە بارلىق جاعدايلار جاسالعان.