ونەركاسىپتەن شىعاتىن زياندى زاتتاردىڭ 40%-ى ەلەكتر ەنەرگەتيكاسىنا تيەسىلى
بۇل تۋرالى ق ر ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆ ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ەلەكتر ەنەرگەتيكاسىن وندىرەتىن ونەركاسىپ نىساندارى جىل سايىن ورتا ەسەپپەن 900 مىڭ توننا اۋانى لاستايتىن زياندى زاتتار شىعارادى. بۇل ەلدەگى بارلىق ونەركاسىپتەن شىعاتىن زياندى زاتتاردىڭ 40%-ى. وسى ورايدا ەلىمىزدىڭ ەنەرگەتيكا سەكتورىندا ەڭ وزىق قولجەتىمدى تەحنولوگيالاردى كەزەڭ-كەزەڭىمەن ەنگىزۋ جانە ونى دامىتۋ ماڭىزدى. جاسىل تەحنولوگيانى ىلگەرىلەتۋ جولىندا ەۋروپا وداعى ەلدەرىنىڭ وزىق قولجەتىمدى تەحنولوگيالارعا كوشۋ تاجىريبەسى ۇلكەن ءرول اتقارادى»، - دەدى سەرىكقالي برەكەشيەۆ ەلوردادا ءوتىپ جاتقان «ECOJER» ءىى حالىقارالىق ەكولوگيالىق كونگرەسىندە.
ۆەدومستۆو باسشىسىنىڭ مالىمدەۋىنشە، ونەركاسىپ وندىرىسىنەن كەلەتىن زياندى ازايتۋ قۇزىرلى ورگانداردىڭ باسىم مىندەتتەرىنىڭ ءبىرى بولىپ قالا بەرەدى.
«قازاقستان ءبىرقاتار زاڭنامالىق قۇجاتتار، دامۋ ستراتەگيالارى مەن باعدارلامالاردى قابىلداۋ ارقىلى «جاسىل تەحنولوگياعا» كوشۋ ءۇشىن ۇيىمدىق-قۇقىقتىق تۇرعىدان نەگىز جاساعان ورتالىق ازياداعى ءبىرىنشى مەملەكەت. ءبىز بۇل ستراتەگيانى حالىقارالىق ىنتىماقتاستىقتى ەسكەرە وتىرىپ جالعاستىراتىنىمىز ءسوزسىز. بۇل جەردە مەملەكەت، قوعام، بيزنەس پەن ۇكىمەتتىك ەمەس ۇيىمداردىڭ ورتاق كۇش-جىگەرى عانا سىن-قاتەرلەرگە توتەپ بەرىپ، ەلدىڭ تۇراقتى ءارى ءقاۋىپسىز دامۋىنا مۇمكىندىك بەرەتىنىن اتاپ وتكىم كەلەدى»، - دەيدى ول.
بۇعان دەيىن مينيستر ەلىمىزدە 2060 جىلعا دەيىن كومىرتەگى بەيتاراپتىعىنا قول جەتكىزۋ ستراتەگياسى پىسىقتالىپ جاتقانىن ءمالىم ەتتى.