الدىن الۋ جانە اقپاراتتاندىرۋ ماسەلەلەرىنە ەرەكشە كوڭىل بولىنەدى.
سۋعا ءتۇسۋ ماۋسىمى باستالعان ۋاقىتتان تجد قالا تۇرعىندارىن سۋداعى قاۋىپسىزدىك ەرەجەلەرىن ساقتاۋعا جانە جۇزۋگە ارنالماعان جەرلەردە شومىلماۋعا شاقىرادى. بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى توتەنشە جاعدايلار دەپارتامەنتىنىڭ باستىعى يسحار ساۆازوۆ جان-جاقتى ايتىپ بەردى، دەپ حابارلايدى Almaty-akshamy.kz.
«قالادا سۋدا جاپپاي دەمالۋ ءۇشىن ءتورت ورىن انىقتالدى. بۇل – سايران سۋ قويماسىنىڭ باتىس جانە شىعىس بولىكتەرى، «گۇلدەر» دەمالىس ايماعى جانە د. قونايەۆ اتىنداعى ۇلكەن الماتى كانالى بويىنداعى باۋم توعايىنىڭ جاعاجاي ايماعى»، - دەدى يسحار ساۆازوۆ.
سپيكەر اتاپ وتكەندەي، قازىرگى ۋاقىتتا سايران سۋ قويماسى تولى. تاۋلىك بويى كەزەكشىلىكتى الماتى قالاسى قۇتقارۋ قىزمەتىنىڭ قۇتقارۋشىلارى جۇزەگە اسىرادى. جاعاجايلار ءۇشىن ءجۇزۋدىڭ بەلگىلەنگەن شەكارالارى دايىندالعان. شومىلۋعا تىيىم سالىنعان ورىنداردىڭ پەريمەترى بويىنشا الدىن الۋ ماتەريالدارى بار التى اقپاراتتىق ستەند جانە 12 قاۋىپسىزدىك بەلگىسى ورناتىلدى.
بۇل رەتتە بيىلعى جىلى قۇلجا تراكتىندەگى جولايىرىقتىڭ قۇرىلىس-مونتاج جۇمىستارىنا بايلانىستى ۇلكەن الماتى كانالىن سۋمەن تولتىرۋ جوسپارلانباعان.
سپيكەر سونداي-اق، سۋعا تۇسۋگە تىيىم سالىنعان ورىنداردا تجد قىزمەتكەرلەرى مەن ق ر ۇلتتىق ۇلانىنىڭ اسكەري قىزمەتشىلەرى سۋداعى دەمالىس ورىندارىن كۇندەلىكتى پاترۋلدەۋ جۇرگىزەتىنىن ەسكە سالدى. بيىلعى جىلى دروننىڭ كومەگىمەن پاترۋلدەۋ تاجىريبەسى دە قولدانىلادى.
«ەگەر ءسىز سۋعا باتىپ بارا جاتقان ادامدى كورسەڭىز، ەڭ الدىمەن اينالاڭىزداعى ادامدارعا حابارلاپ، قۇتقارۋشىلار مەن جەدەل جاردەم شاقىرۋىن سۇراۋ كەرەك، سودان كەيىن بەلگىلى ءبىر ەرەجەلەردى ساقتاي وتىرىپ، ونى ءوز بەتىڭىزشە قۇتقارۋعا تىرىسىڭىز. ەستە ساقتايتىن جايت، سۋعا باتىپ بارا جاتقان ادام قاتتى قورىققانىنان ءسىزدىڭ كيىمىڭىزگە جارماسۋى مۇمكىن. سوندىقتان ونى ارتىنان ۇستاۋعا تىرىسۋ قاجەت»، - دەدى سپيكەر.
بريفينگ بارىسىندا يسحار ساۆازوۆ بالالاردىڭ سۋعا باتىپ كەتۋىنە جول بەرمەۋ بويىنشا جۇرگىزىلىپ جاتقان جۇمىستار تۋرالى دا ايتتى.
وسىلايشا، قالانىڭ وسكەلەڭ ۇرپاعى ءۇشىن سۋ ايدىندارىنداعى قاۋىپسىزدىك ەرەجەلەرىنە وقىتۋ ۇيىمداستىرىلدى. ءبىلىم الۋشىلاردىڭ جالپى سانى 3 275 ادامدى قۇرادى.
الدىن الۋ جانە اقپاراتتاندىرۋ ماسەلەلەرىنە ەرەكشە كوڭىل بولىنەدى. 11 مامىردان باستاپ ءبىلىم باسقارماسىمەن بىرلەسىپ «ءقاۋىپسىز سۋ» اكسياسى ىسكە قوسىلدى. قالانىڭ بارلىق جالپى ءبىلىم بەرەتىن جانە ارنايى ورتا مەكەمەلەرىندە 93 مىڭ مەكتەپ وقۋشىلارىن قامتي وتىرىپ، اشىق ساباقتار، سىنىپ ساعاتتارى، كونكۋرستار، ۆيكتورينالار، ينتەراكتيۆتى ساباقتار وتكىزىلدى. سونداي-اق، قىزىل جارتى اي قوعامىمەن بىرلەسىپ، قالانىڭ بارلىق مەكتەپتەرىن قوسۋ ارقىلى تىكەلەي ەفير وتكىزىلدى. سونىمەن قاتار، قالانىڭ جالپى ءبىلىم بەرۋ مەكەمەلەرىندە «سۋداعى قاۋىپسىزدىك» تاقىرىبىندا بەينەروليكتەر كورسەتىلۋدە. وسىلايشا 280 مىڭ الماتىلىق وقۋشى قامتىلدى.
سونىمەن قاتار، اۋدان اكىمدىكتەرىمەن بىرلەسىپ، ادام ءولىمىنىڭ بىرنەشە جاعدايلارى تىركەلگەن جەرلەردە 11 اقپاراتتىق ستەند (سوڭعى بەس جىلدا قازا بولعانداردىڭ سانىن كورسەتە وتىرىپ)، سونداي-اق 66 تىيىم سالۋ بەلگىسى ورناتىلدى.
ادامدار كوپ جينالاتىن وبەكتىلەردە (سوو، ءسۇ، حقكو، تج ۆوكزالدارى، مەتروپوليتەن، اۋەجاي، كينوتەاترلار جانە ت.ب.)، دەنساۋلىق ساقتاۋ مەكەمەلەرىندە، سونداي-اق قالانىڭ مەديابوردتارىندا جانە LED-ەكراندارىندا سۋداعى قاۋىپسىزدىك تاقىرىبىنا بەينەروليكتەر كورسەتىلەدى. اعىمداعى جىلدىڭ 1 مامىرىنان باستاپ بىرلەسكەن رەيدتەر وتكىزىلىپ، ونىڭ اياسىندا 1000-نان استام جادىناما تاراتىلدى.