ۇلتتىق تەستىلەۋ ورتالىعى بايقاۋ سىناقتارىن ىسكە قوستى
تەستىلەۋ ونلاين فورماتتا ورتالىقتىڭ سايتىندا جۇزەگە اسادى، دەپ حابارلايدى Almaty-akshamy.kz
بايقاۋ سىناعى وقۋعا تۇسۋشىلەرگە ۇبت-عا دايىندالۋعا كومەك رەتىندە ازىرلەندى.
تالاپكەرلەرگە ۇتو سايتىندا app.testcenter.kz سىلتەمەسى بويىنشا ونلاين تەستىلەۋدەن ءوتۋ مۇمكىندىگى بەرىلەدى.
ەسكە سالايىق، 2024 جىلعى ۇبت-دا پاندەردىڭ سانى وزگەرىسسىز قالادى، ياعني ۇشەۋى مىندەتتى جانە ەكەۋى تاڭداۋ بويىنشا. الايدا، "وقۋ ساۋاتتىلىعى" مەن "ماتەماتيكالىق ساۋاتتىلىق" مىندەتتى پاندەرىنەن تاپسىرمالار سانى 5 سۇراققا قىسقارادى. ال بەيىندىك پاندەردىڭ سۇراقتار سانى ارتىپ، 40 تەست تاپسىرماسىنان تۇراتىن بولادى. اتاپ وتسەك، بەيىندىك پاندەردە بەرىلگەن تىزىمنەن سايكەستىكتى انىقتاۋعا ارنالعان 5 تاپسىرما قوسىلادى.
"وسى وزگەرىستەردى ەسەپكە الا وتىرىپ، ءبىز جاتتىقتاندىرۋ تەستىن ىسكە قوستىق. ءقازىر تالاپكەرلەر ءۇشىن بايقاۋ سىناعىنىڭ ءبىر نۇسقاسى قولجەتىمدى، جاقىن ارادا تاعى دا بىرنەشە نۇسقا قوسىلادى. سونىمەن قاتار وقۋ جىلىنىڭ باسىندا ۇتو سايتىندا تەست تاپسىرمالارى قۇراستىرىلعان ادەبيەتتەر ءتىزىمى مەن تەست جوسپارى؛ "قازاقستان تاريحى" جانە "دۇنيەجۇزى تاريحى" پاندەرى بويىنشا 100 تاريحي داتا ءتىزىمى؛ "ينفورماتيكا" پانىنەن تەرميندەر ءتىزىمى؛ "قازاق ادەبيەتى" جانە "ورىس ادەبيەتى" بويىنشا ادەبي شىعارمالار ءتىزىمى جاريالاندى. دايىندىق ساپاسىن جاقسارتۋ ءۇشىن وسى جانە باسقا دا قابىلدانعان شارالار تۇلەكتەرىمىزگە ۇبت-دا جوعارى ناتيجە كورسەتۋگە كومەكتەسەدى دەپ ۇمىتتەنەمىز"، – دەپ اتاپ ءوتتى ق ر عجبم ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ.