قازاقستان مەن جۇڭگو اراسىندا تەمىر جول سالىنادى

اتالعان قۇجاتقا مەملەكەت باسشىسىنىڭ جۇڭگو حالىق رەسپۋبليكاسىنا رەسمي ساپارى بارىسىندا قول قويىلدى

قاسىم-جومارت توقايەۆ پەن سي ءسزينپيننىڭ كەلىسسوزدەرى اياقتالعاننان كەيىن ق ر كولىك مينيسترلىگى مەن قحر دامۋ جانە رەفورمالار جونىندەگى مەملەكەتتىك كوميتەتى اراسىندا «اياگوز-تاچەن» تەمىر جولىن سالۋ جوباسى بويىنشا ىنتىماقتاستىقتى بىرلەسىپ دامىتۋ جونىندەگى ءوزارا تۇسىنىستىك تۋرالى مەموراندۋمعا قول قويدى. ماڭىزدى قۇجاتقا قازاقستاندىق تاراپتان كولىك ءمينيسترى مارات قارابايەۆ قول قويدى، دەپ حابارلايدى Almaty-akshamy.kz كولىك مينيسترلىگىنە سىلتەمە جاساپ. 

ق ر پرەزيدەنتى قاسىم-جومارت توقايەۆ پەن قحر ءتوراعاسى سي ءسزينپيننىڭ 2023 جىلعى مامىرداعى بىرلەسكەن مالىمدەمەسىندە كورسەتىلگەن قازاقستان مەن جۇڭگو اراسىنداعى ءۇشىنشى ترانسشەكارالىق تەمىرجول بويىنشا ماڭىزدى ۋاعدالاستىقتى بەلسەندى ىسكە اسىرۋ ماقساتىندا ەكى ەلدىڭ جاۋاپتى ۆەدومستۆولارى تومەندەگى بولىمدەر بويىنشا ءوزارا تۇسىنىستىككە كەلدى:

- قازاقستان مەن جۇڭگو اراسىنداعى جەرۇستى كولىك ينفراقۇرىلىمىنىڭ ءوزارا بايلانىسىنىڭ دەڭگەيىن ارتتىرۋ ماقساتىندا تاراپتار قازاقستان مەن جۇڭگو شەكاراسىندا ءۇشىنشى ترانسشەكارالىق تەمىرجول مەن وتكىزۋ پۋنكتىن اشۋ مۇمكىندىگىن زەردەلەۋگە قىزىعۋشىلىق بىلدىرەدى. وسىعان بايلانىستى، تاراپتار «باقتى – پوكيتۋ» وتكىزۋ پۋنكتىندە قازاقستان مەن جۇڭگو اراسىنداعى ترانسشەكارالىق تەمىرجول جولدارى قۇرىلىسىنىڭ ورىندىلىعىن الدىن الا زەردەلەۋ ءۇشىن وسى ءوزارا تۇسىنىستىك تۋرالى مەموراندۋم شەڭبەرىندە ءوزارا ءىس-قيمىل جاساۋعا دايىن.

- تاراپتار ءوز ەلدەرىنىڭ ءتيىستى ۆەدومستۆولارىمەن ولاردىڭ ترانسشەكارالىق تەمىرجول ىنتىماقتاستىعىن ىسكە اسىرۋدى الدىن الا زەردەلەۋ فۋنكسيالارىنا سايكەس جۇمىستى ۇيىمداستىرۋ جونىندە باستاماشلىق جاساۋعا دايىن.

- تاراپتار حالىقارالىق تاجىريبەگە سايكەس ءوز مەملەكەتتەرىنىڭ اۋماقتارىندا ۋچاسكەلەردى الدىن الا زەرتتەۋدى، جوبالاۋدى، سالۋدى جانە قارجىلاندىرۋدى جۇزەگە اسىراتىنىن اتاپ ءوتتى.

- تەمىرجولدىڭ قيىلىسۋ نۇكتەسى انىقتالعاننان كەيىن تاراپتار وسى مەموراندۋم شەڭبەرىندە ترانسشەكارالىق تەمىرجول قاتىناسىنىڭ سحەماسىن ازىرلەۋدى اياقتاۋعا قاتىستى بايلانىستاردى قولدايتىن بولادى، ونىڭ ىشىندە تاراپتار جۇكتەردى تاسىمالداۋدىڭ ىقتيمال الەۋەتتى كولەمدەرى تۋرالى اقپارات الماساتىن بولادى.