قازاقستان رەسپۋبليكاسى پرەزيدەنتىنىڭ جارلىعىمەن ءبىلىم بەرۋدەگى ايرىقشا جەتىستىكتەرى مەن سالانىڭ دامۋىنا قوسقان ۇلەسى ءۇشىن ەلىمىزدىڭ 17 پەداگوگىنە «قازاقستاننىڭ ەڭبەك سىڭىرگەن ۇستازى» قۇرمەتتى اتاعى بەرىلدى، دەپ حابارلايدى Almaty-akshamy.kz.
وقۋ-اعارتۋ مينيسترلىگىنىڭ مالىمەتىنشە، «قازاقستان رەسپۋبليكاسىنىڭ مەملەكەتتىك ناگرادالارى تۋرالى» ق ر زاڭىنىڭ 24-بابىنا سايكەس مينيسترلىكتىڭ بۇيرىعىمەن ماراپاتتالعان پەداگوگتەرگە 1000 اەك كولەمىندە ءبىرجولعى تولەماقى بەرىلدى.
ەستەرىڭىزگە سالا كەتەيىك، مەملەكەت باسشىسى بيىلعى جىلدىڭ 5 قازانىندا وتكەن پەداگوگتەردىڭ ءبىرىنشى رەسپۋبليكالىق سەزىندە ۇستازداردى كاسىبي مەرەكەلەرىمەن قۇتتىقتاعان بولاتىن. وعان 700-گە جۋىق ءبىلىم بەرۋ قىزمەتكەرلەرى قاتىستى.