بۇل تۋرالى عىلىم جانە جوعارى ءبىلىم ءمينيسترى ساياسات نۇربەك ايتتى.
جوعارى ءبىلىم العىسى كەلەتىن تالاپكەرگە پايىزسىز نەسيە بەرەتىن جوبا بىرنەشە بانك جانە قارجى ورتالىعىمەن بىرگە ازىرلەنىپ جاتىر، دەپ حابارلايدى Almaty-akshamy.kz
ءمينيستردىڭ ايتۋىنشا، ءقازىر مينيسترلىك تالاپكەرلەردىڭ جوو-عا ءتۇسۋ مۇمكىندىگىن ارتتىرۋدىڭ بىرنەشە جولىن قاراستىرىپ جاتىر.
«بىرىنشىدەن، جىل سوڭىندا جاڭا پايىزسىز نەسيە جوباسى رەسمي تۇردە ىسكە قوسىلادى. ءقازىر ول جوبا بىرنەشە بانكپەن جانە قارجى ورتالىعىمەن بىرلەسىپ ازىرلەنىپ، اياقتالۋعا تايادى. زاڭنامالىق تۇرعىدان ءبارى پىسىقتالعان. مۇندا اقش-تاعى سياقتى، تالاپكەرگە جوعارى ءبىلىم الۋعا پايىزسىز نەسيە بەرىلەدى. تاعى ءبىر جولى – بيىل ىسكە قوسىلعان سارالانعان گرانتتار جوباسى. كەيدە تالاپكەر جاقسى بالل العانىمەن، تاڭداعان ماماندىعىندا كونكۋرس جوعارى بولىپ، گرانت جەتپەي قالادى. ءسويتىپ، 100-115 بالل الىپ، تۇسپەي قالادى. مۇنداي جاعدايدا ءبىز قوسىمشا گرانتتار بەرۋگە دايىنبىز»، -دەدى ساياسات نۇربەك.