بۇگىن الەۋمەتتىك جەلىلەردە اقىن تاناكوز تولقىن قىزىنىڭ جازباسى تارالدى.
تاناكوز تولقىن قىزىنىڭ جازۋىنشا، ونىڭ اكەسىنىڭ جىلقىسىن باعىپ جۇرگەن جىلقىشىسى ساتىپ جىبەرگەن، دەپ حابارلايدى Almaty-akshamy.kz
«تۋرا اكەمنىڭ 70 جىلدىق تويىن وتكىزۋگە 1 كۇن قالعاندا ادامدى ەستەن تاندىراتىن ءبىر جاڭالىق ەستيمىز. سول جوعالعان جىلقىلارىمىزدىڭ ون شاقتىسى اۋىل ادامدارىنىڭ ۇيىندە ءجۇر ەكەن. شەشەم ۋچاسكوۆىيدى ەرتىپ الىپ الگى ادامداردىڭ ۇيىنە بارسا، ول ادامدار ول جىلقىنى ءبىزدىڭ جىلقىشىدان ساتىپ العانىن ايتادى. تاعى بىرەۋىن اۋىلدىڭ بۇرىنعى ۋچاسكوۆىي مەنتىنەن ساتىپ العان. سوندا بۇل ۇيىمداسقان قىلمىس بولىپ تۇر عوي. بۇرىنعى مەنت – بۇگىنگى ۇرى بولىپ شىققانى ما؟ ءبىز ونى جۇتتان قىرىلىپ قالعان شىعار دەپ جۇرسەك! جىلقىشى ونى شىمىرىكپەستەن اۋىل ادامدارىنا ساتقان. اكەم شىرىلداپ، «جىلقى جوعالدى، ءار جوعالعان جىلقىعا 100 مىڭ تەڭگە ءسۇيىنشى بەرەمىن»، دەپ حابارلاعان. سوندا اۋىل ادامدارى اكەمدى شىرىلداتىپ قويىپ، تۇك بىلمەگەن ءتۇر جاساپ، اكەمنىڭ جىلقىلارىن قوراسىندا ۇستاپ وتىرعان.100 جىلقى ءبىر جىلقىنى 1 ملن تەڭگەدەن ەسەپتەسەڭ 100 ملن تەڭگە. وعان استانانىڭ قاق ورتاسىنان 3 نە 4 ءۇي ساتىپ الۋعا بولادى. ال ەڭ تومەنگى باعامەن ەسەپتەسەڭ، 2 ءۇي ساتىپ الۋعا بولدى. اكەم وتە شىنشىل ادام. كىسى اقىسىن جەپ كورمەگەن. بارلىق مالدارى تىركەلگەن، تاعبالانعان، سالىعى تولەنگەن، زاڭداستىرىلعان. سوندا ول جىلقىشى بىرەۋدىڭ 100 ملن تەڭگەسىن ءسىڭىرىپ الامىن دەپ ەسەپتەگەن بە؟ 100 جىلقىنىڭ سۇراۋى بولادى دەپ ويلاماعان با؟» دەپ جازدى تاناكوز.
جەلىدەگى جازبا بويىنشا، جىلقىشى كارىبايەۆ بەرىكبول ۇلىتاۋ وبلىسى جاڭاارقا اۋدانى بايدالى بي اۋىلىنىڭ تۇرعىنى ەكەن. ءىس سوتقا بەرىلگەن. جىلقىشى 21 جىلى 25 ساۋىردە 105 باس جىلقىنى باعۋعا العان.
جازباعا كوممەنتاريي جازعان ۇلىتاۋ وبلىسىنىڭ پد وكىلدەرى «جاڭاارقا اۋداندىق پوليسيا بولىمىندە قىلمىستىق ءىس قوزعالدى، تەرگەۋ جۇرگىزىلۋدە» دەپ مالىمدەپتى.