ەلشى ءالىم بايەل قازاقستان مەن ءازىربايجاننىڭ ستراتەگيالىق ارىپتەس جانە وداقتاس ەكەنىن اتاپ ءوتتى.
قازاقستان رەسپۋبليكاسىنىڭ ءازىربايجانداعى ەلشىلىگىندە تۋريزم سالاسىنداعى ەكىجاقتى ىنتىماقتاستىقتى تەرەڭدەتۋ جانە ەكى ەل اراسىنداعى تۋريستىك اعىندى ۇلعايتۋعا باعىتتالعان ءقازاقستان-ازىربايجان تۋريستىك فورۋمى ءوتتى، دەپ حابارلايدى Almaty-akshamy.kz
شاراعا قازاقستاننىڭ ءازىربايجانداعى ەلشىسى ءالىم بايەل، تۇركى مادەنيەتى جانە مۇراسى قورىنىڭ پرەزيدەنتى اقتوتى رايىمقۇلوۆا، «KazakhTourism» ۇك» اق، ءازىربايجان مەملەكەتتىك تۋريزم اگەنتتىگى مەن تۋريزم بيۋروسىنىڭ، AirAstana جانە FlyArystan اۋە كومپانيالارىنىڭ، قازااقستان جانە ءازىربايجان تۋريستتىك گيدتەر قاۋىمداستىقتارىنىڭ وكىلدەرى، الماتى جانە شىمكەنت قالالارى، ماڭعىستاۋ وبلىسى تۋريزم باسقارمالارىنىڭ باسشىلارى، ەكى ەلدىڭ ءىرى تۋريستىك كومپانيالارى، جۋرناليستەر، تانىمال ازەربايجاندىق بلوگەرلەر، بارلىعى 70-تەن استام ادام قاتىستى.
ەلشى ءالىم بايەل قۇتتىقتاۋ سوزىندە قازاقستان مەن ءازىربايجاننىڭ ستراتەگيالىق ارىپتەس جانە وداقتاس ەكەنىن اتاپ ءوتتى. ەكىجاقتى ىنتىماقتاستىق بارلىق سالادا، سونىڭ ىشىندە تۋريزمدە دە قارقىندى دامىپ كەلەدى. ديپلومات قازاقستاندىقتاردىڭ ءازىربايجانعا، ال ءازىربايجاندىقتاردىڭ قازاقستانعا دەگەن قىزىعۋشىلىعى ارتىپ كەلە جاتقانىن ايتتى.
ءا. بايەل 2023 جىلعى ستاتيستيكالىق مالىمەتتەرگە سايكەس، وتكەن جىلى ورتالىق ازيادان ءازىربايجانعا كەلگەن ءاربىر ەكىنشى ءتۋريستتىڭ قازاقستاننان كەلگەنىن اتاپ ءوتتى. بىلتىر ءازىربايجانعا 58 مىڭ قازاقستاندىق تۋريست كەلگەن. 2024 جىلدىڭ قاڭتار-ماۋسىم ايلارى ارالىعىندا بولسا ءازىربايجانعا 38 مىڭنان استام قازاقستاندىق تۋريست كەلىپ ۇلگەرگەن. جالپى، ءازىربايجانعا تۋريستىك اعىننىڭ ءوسۋ ديناميكاسى بويىنشا قازاقستان، جۇڭگو مەن ءۇندىستاننان كەيىن ءۇشىنشى ورىندا تۇر.
كەزدەسۋ بارىسىندا قازاقستاننىڭ ءتۋريزىم سالاسىنىڭ وكىلدەرى فورۋمعا قاتىسۋشىلارعا ەلىمىزدىڭ تانىمال تۋريستىك باعىتتارى تۋرالى ايتىپ بەردى، قازاقستاننىڭ بىرەگەي جانە كوركەم تابيعاتىن پاش ەتتى، سونداي-اق الداعى 8-14 قىركۇيەكتە استانا قالاسىندا وتەتىڭ 5ء-شى دۇنيەجۇزىلىك كوشپەندىلەر ويىندارى تۋرالى اقپارات بەردى. 
شارا اياسىندا AirAstana مەن FlyArystan اۋە كومپانيالارى لوتەرەيا ۇيىمداستىردى. جەڭىمپازدارعا ءازىربايجاننان قازاقستانعا تەگىن اۋە بيلەتتەرى تابىس ەتىلدى.
سونىمەن قاتار، فورۋم اياسىندا ەكى ەلدىڭ تۋريستىك فيرمالارىنىڭ ۆ2ۆ كەزدەسۋلەرى ءوتىپ، قازاقستان جانە ءازىربايجان تۋريستىك گيدتەر قاۋىمداستىقتارى اراسىندا ىنتىماقتاستىق تۋرالى مەموراندۋمعا قول قويىلدى.
وسى رەتتە، 2024 جىلدىڭ شىلدەسىندە ءازىربايجاندىق ساياحات بلوگەرلەرىنىڭ قازاقستانعا ءبىرىنشى تۋرى ءوتىپ، ونىڭ بارىسىندا ولار الماتى، شىمكەنت جانە تۇركىستان قالالارىندا، سونداي-اق الماتى وبلىسىندا بولدى. فورۋم بارىسىندا تۋرعا قاتىسۋشىلار قازاقستاننان العان اسەرلەرىمەن ءبولىستى. فورۋمعا قاتىسۋشىلار مۇنداي ءىس-شارالاردىڭ قازاقستانعا تۋريستىك ساپارمەن كەلۋشىلەردىڭ سانىن ارتتىرادى دەگەن سەنىمدەرىن ءبىلدىردى.