ونلاين پلاتفورمالار ارقىلى (ياندەكس تاكسي، ياندەكس GO جانە ت.ب.) جۇمىس ىستەيتىن تاكسيستەر ءۇشىن ارنايى سالىق رەجيمى ەنگىزىلەدى.
بۇل تۋرالى ماجىلىستەگى ۇكىمەت ساعاتىندا ق ر الەۋمەتتىك كودەكسىنىڭ جوباسىن تانىستىرۋ كەزىندە ق ر ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ونلاين پلاتفورمالار ارقىلى (ياندەكس تاكسي، ياندەكس GO جانە ت.ب.) جۇمىسپەن قامتىلعان ازاماتتار ءۇشىن ارنايى سالىق رەجيمى ەنگىزىلەدى. بۇل رەتتە سالىق اگەنتتەرى رولىندە ونلاين پلاتفورمالار وپەراتورلارىن ايقىنداۋ ۇسىنىلادى. ولار وسىندا جۇمىس ىستەيتىن ازاماتتار اتىنان ءتيىستى تولەمدەردى جۇرگىزەدى»، - دەدى ۆەدومستۆو باسشىسى.
سونىمەن قاتار ول الەۋمەتتىك كودەكس جوباسىندا الەۋمەتتىك تاۋەكەلدەردەن ساقتاندىرۋ جانە ازاماتتاردى زەينەتاقىمەن قامسىزداندىرۋعا ماسەلەسى ەسكەرىلگەنىن ايتتى.
«بەس الەۋمەتتىك تاۋەكەلدەن ساقتاندىرۋدى كوزدەيتىن قولدانىستاعى ساقتاندىرۋ جۇيەسى حالىقارالىق ستاندارتتارعا جانە ناقتى ەكونوميكالىق جاعدايلارعا ساي كەلەتىن جۇيە رەتىندە ساقتالادى. دەگەنمەن، ونىڭ ماقساتتى مىندەتى وزگەرىسكە ۇشىرايدى. جۇيە تەك الەۋمەتتىك تولەمدەر تولەۋگە عانا باعىتتالماي، ەڭ الدىمەن، ول ازاماتتاردى رەسمي تۇردە جۇمىسپەن قامتىلۋعا ىنتالاندىرۋدى كوزدەيتىن بولادى. وسى ورايدا سالىق كودەكسىنە شاعىن بيزنەستىڭ جالدامالى جۇمىسكەرلەرى ءۇشىن ءبىرىڭعاي مىندەتتى تولەمدى ەنگىزۋگە قاتىستى وزگەرىستەر ەنگىزىلەدى. ولار ءۇشىن سالىق جۇكتەمەسى ەندىگى جىلى 33 پايىزدان 20 پايىزعا دەيىن تومەندەيتىن بولادى»، - دەدى ت. دۇيسەنوۆا.