ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا جازاتايىم وقيعالارعا قاتىستى جۇمىس بەرۋشىلەر ءۇشىن ساقتاندىرۋ تاريفتەرىن تومەندەتۋ جوسپارلارى تۋرالى ايتتى دەپ حابارلايدى Almaty-akshamy.kz. قازاقپاراتقا سىلتەمە جاساپ.
«بۇدان باسقا، قىزمەتكەرلەردى جازاتايىم وقيعالاردان ساقتاندىرۋدى جۇزەگە اسىراتىن جۇمىس بەرۋشىلەر ءۇشىن ساقتاندىرۋ تاريفتەرىن تومەندەتۋ كوزدەلگەن. ستاۆكالار ەڭ تومەنگى جانە ەڭ جوعارى ماندەرگە يە بولىپ، بۇل ماندەردى تاڭداۋ وندىرىستەگى جازاتايىم وقيعالاردىڭ، جاراقاتتانۋدىڭ جانە كاسىپتىك اۋرۋلاردىڭ دەڭگەيىنە بايلانىستى بولادى»، - دەپ ءتۇسىندىردى تامارا دۇيسەنوۆا ۇكىمەت ساعاتى بارىسىندا.
ونىڭ ايتۋىنشا، ستاۆكالاردى تومەندەتۋ بويىنشا قابىلدانىپ جاتقان شارالار مەملەكەتتىك الەۋمەتتىك ساقتاندىرۋ قورىنان جانە ساقتاندىرۋ كومپانيالارىنان تولەنەتىن الەۋمەتتىك تولەمدەر مولشەرىن كەزەڭ-كەزەڭىمەن ارتتىرۋمەن قاتار جۇزەگە اسىرىلادى.
«كەلەسى جىلدان باستاپ جۇمىسىنان ايىرىلعان ازاماتتارعا جارنالاردى تولەۋ كەزەڭىنە سايكەس، ءماسق-دان 6 ايعا دەيىنگى بۇرىنعى تابىسىنىڭ 45% مولشەرىندە تولەمدەر قاراستىرىلعان»، - دەپ تۇيىندەدى تامارا دۇيسەنوۆا.