انگليا قۇراماسىنىڭ ويىنشىسى راحيم ستەرلينگ ۇيىنە ۇرى تۇسكەندىكتەن، ەلىنە قايتىپ كەتتى.
بريتاندىق Daily Telegraph ءجۋرناليسى مەتت لوۋ ءمالىم ەتكەنىندەي، قاتاردا ۇلتتىق قۇراما ساپىندا ويناپ جۇرگەن فۋتبولشى ر.ستەرلينگتىڭ لوندونداعى ءۇيىن وتكەن سەنبىدە ۇرىلار توناپ كەتكەن، دەپ حابارلايدى Almaty-akshamy.kz قازاقپاراتقا سىلتەمە جاساپ.
ءوز تۋعاندارىنىڭ امان ەكەنىنە كوز جەتكىزۋ ءۇشىن ءۇش كىشكەنتاي بالاسى بار راحيم ۇلىبريتانياعا ورالۋدى ءجون كورگەن. سول سەبەپتى ول انگليانىڭ 1/8 فينالدا سەنەگالمەن وتكەن ويىنىنا قاتىسا المادى. فۋتبولشى قاتارعا قايتىپ ورالۋى مۇمكىن ەكەندىگى جازىلادى. ول ازىرگە الەم چەمپيوناتىندا ءبىر گول سوقتى.
سەنەگالدى 3:0 ەسەبىمەن جەڭگەن انگليا شيرەك فينالدا 10 جەلتوقساندا الەم چەمپيونى - فرانسيامەن كەزدەسەدى.
انگليا قۇراماسىنىڭ باس باپكەرى گارەت ساۋتگەيت راحيم ستەرلينگتىڭ ەلىنە كەتكەنىن راستاپ، وتباسى ءبىرىنشى ورىندا تۇرۋى كەرەكتىگىن، ويىنشىنى قولدايتىنىن جەتكىزدى.