بۇل زاڭعا وزگەرىس ەنگىزگەلى جاتىر، دەپ حابارلايدى aqshamnews.kz
اتالعان باستاما تۋراسىندا دەپۋتاتتارعا بەرگەن جاۋابىندا ۇكىمەت باسشىسىنىڭ ورىنباسارى رومان سكليار ايتتى.
سكلياردىڭ جاۋابىنا سايكەس، سيفرلىق نارىقتاردا ادال باسەكەلەستىكتى قازاقستاننىڭ باسەكەلەستىكتى قورعاۋ جانە دامىتۋ اگەنتتىگى باقىلايدى.
بۇگىندە Yandex Go، Uber، Glovo، InDrive جانە باسقا دا سەرۆيستىك پلاتفورمالار سيفرلىق جۇمىسپەن قامتۋ مۇمكىندىگىن ۇسىنىپ، باسەكەلەستىك پەن كاسىپكەرلىكتىڭ دامۋىنا ىقپال ەتۋدە. 3 «ياندەكس.تاكسي كورپ» ج ش س (بۇدان ءارى – كومپانيا) تاكسي بويىنشا اقپاراتتىق-ديسپەچەرلىك قىزمەتتەر نارىعىندا تۇراقتى ورىنعا يە. كومپانيا كوميسسيانى تاريف تۇرىنە (ەكونوم، كومفورت، بيزنەس، قالاارالىق جانە ت.ب.) جانە ەلدى مەكەندەگى قىزمەتكە سۇرانىس دەڭگەيىنە بايلانىستى ۇستايدى. كوميسسيانى تومەندەتۋ جانە اشىقتىقتى ارتتىرۋ ماقساتىندا اگەنتتىك پەن كومپانيا اراسىندا مونوپولياعا قارسى كومپلاەنس كەلىسىمى جاسالدى. كومپلاەنس شارتىنا سايكەس، ەگەر تاپسىرىس قۇنى بازالىق تاريفتەن 2 ەسە اسىپ كەتسە، كومپانيا وسى ارتىق سومادان كوميسسيا ۇستامايدى، ياعني ول جۇرگىزۋشىنىڭ تابىسى بولىپ قالادى، – دەلىنگەن جاۋاپتا.
سكليار سونىمەن قاتار، جۇرگىزۋشىلەردىڭ تاكسوپاركتەرسىز تىكەلەي جۇمىس ىستەۋ مۇمكىندىگىن زاڭنامالىق تۇردە قامتاماسىز ەتۋ جونىندە تۇزەتۋلەر ەنگىزۋ باستاماسى كوتەرىلگەنىن، بۇل ولاردىڭ كوميسسيالىق شىعىندارىن ازايتۋعا مۇمكىندىك بەرەتىنىن ايتادى.
"ءقازىر تاكسي جولاۋشىلارىن تاسىمالداۋ نارىعىنداعى باسەكەلەستىك جاي-كۇيى، سونداي-اق تاپسىرىستاردى راسىمدەۋدە پايدالانىلاتىن اپپاراتتىق-باعدارلامالىق كەشەندەر مەن موبيلدىك قوسىمشالار بويىنشا جوسپارلى تالداۋ جۇرگىزىلۋدە. سونىمەن قاتار، حالىقارالىق تاجىريبەگە سايكەس، تاكسي قىزمەتى، ازاماتتىق اۆياسيا جانە تەمىرجول جولاۋشىلار تاسىمالى سالالارىنداعى باعا بەلگىلەۋ ماسەلەلەرى تىكەلەي مەملەكەتتىك رەتتەۋگە جاتپايدى جانە نارىق قاتىسۋشىلارى اراسىندا باسەكەلەستىك نەگىزىندە قالىپتاسادى"، – دەيدى سكليار.