تاجىكستاننىڭ تاۋلى باداحشان اۆتونوميالىق وبلىسىنداعى تەرروريزمگە قارسى بولىمشە قىزمەتكەرلەرىنىڭ كولونناسىنا قىلمىستىق توپتىڭ شابۋىل جاساۋى سالدارىنان ءبىر وفيسەر قازا تاپتى، تاعى 13 اسكەري قىزمەتشى جارالاندى، دەپ حابارلايدى Almaty-akshamy.kz قازاقپارات-قا سىلتەمە جاساپ.
تاجىكستان ءىىم باسپا ءسوز قىزمەتىن حابارلاعانداي، ىشكى ىستەر مينيسترلىگىنىڭ مالىمەتىنشە، 200 ادامنان تۇراتىن ۇيىمداسقان قىلمىستىق توپ تاۋلى باداحشان اۆتونوميالىق وبلىسىنداعى رۋشان اۋدانىنىڭ ورتالىعىندا قارۋدىڭ بارلىق ءتۇرىن قولدانىپ، دۋشانبە-حوروگ تاس جولى مەن شەكارا كومەنداتۋراسىنا باراتىن جولدى جاۋىپ تاستاعان.
«مولوتوۆ كوكتەيلدەرى» سودىرلارى تاجىكستان ۇلتتىق قاۋىپسىزدىك كوميتەتىنىڭ لاڭكەستىككە قارسى بولىمشەسىنىڭ كولىكتەر كورتەجىن ورتەپ جىبەردى. شابۋىل سالدارىنان ءبىر وفيسەر قازا تاۋىپ، 13 اسكەري قىزمەتكەر اۋىر جاراقات الدى. «ازاماتتاردىڭ قاۋىپسىزدىگى مەن قوعامدىق ءتارتىپتى قامتاماسىز ەتۋ ماقساتىندا ەلدىڭ قۇقىق قورعاۋ ورگاندارى لاڭكەستىككە قارسى وپەراسيانى باستادى. ناتيجەسىندە 8 سودىر زالالسىزداندىرىلدى، 11ء-ى جارالاندى جانە لاڭكەستىك توپتىڭ 70-تەن استام بەلسەندى مۇشەسى ۇستالدى»، - دەپ حابارلادى ءىىم.
ۆەدومستۆو بەيبىت تۇرعىندار اراسىندا زارداپ شەككەندەر بولماعانىن ءمالىم ەتتى. قازىرگى تاڭدا اۋداندا جاعداي تۇراقتى، الەۋمەتتىك ينفراقۇرىلىم مەن قوعامدىق كولىكتەر قالىپتى جۇمىسىنا ورالعان.