وقۋ-اعارتۋ ءمينيسترىنىڭ ءبىرىنشى ورىنباسارى ناتاليا جۇمادىلدايەۆا تاجىكستان ءبىلىم جانە عىلىم ءمينيسترىنىڭ ورىنباسارى ابدۋلزود زيەدۋللومەن كەزدەستى.
تاراپتار ەكى ەلدىڭ ءبىلىم بەرۋ سالاسىنداعى ىنتىماقتاستىعىنىڭ پەرسپەكتيۆالارىن تالقىلادى، دەپ حابارلايدى Almaty-akshamy.kz وقۋ-اعارتۋ مينيسترلىگىنە سىلتەمە جاساپ.
ەلىمىزگە ساپارى بارىسىندا تاجىك دەلەگاسياسى ءرىЅا حالىقارالىق رەيتينگىنىڭ ناتيجەلەرى بويىنشا قازاقستاننىڭ تاجىريبەسىن زەردەلەيدى.
«جاڭا جوبالار مەن باستامالار ءبىزدىڭ بىرلەسىپ جۇمىس ىستەۋىمىزگە جانە جوعارى ناتيجەلەرگە قول جەتكىزۋگە كەڭ مۇمكىندىكتەر اشادى. ءبىزدىڭ ءبىلىم بەرۋ سالاسىنداعى ىنتىماقتاستىعىمىز حالىقتارىمىز بەن مادەنيەتتەرىمىزدى ودان ءارى جاقىنداستىرۋعا ىقپال ەتەتىنىنە سەنىمدىمىن»، - دەپ اتاپ ءوتتى ناتاليا جۇمادىلدايەۆا.
ەستەرىڭىزگە سالا كەتەيىك، PISA ناتيجەلەرى بويىنشا قازاقستان ماتەماتيكا جانە جاراتىلىستانۋ پاندەرى بويىنشا ۇزدىك 50 ەلدىڭ قاتارىنا كىرگەن بولاتىن. جاراتىلىستانۋ پاندەرىنەن كورسەتكىشتەردى 26 باللعا ارتتىرىپ، ماتەماتيكا جانە وقۋ بويىنشا ناتيجەلەردى ساقتاپ قالدى. ساپار اياسىندا ق ر وقۋ-اعارتۋ مينيسترلىگىنىڭ ى.التىنسارين اتىنداعى ۇلتتىق ءبىلىم اكادەمياسى مەن تاجىكستان ءبىلىم جانە عىلىم مينيسترلىگىنىڭ ءبىلىم اكادەمياسى اراسىندا ىنتىماقتاستىق تۋرالى مەموراندۋمعا قول قويىلدى.