كەلىسىم بولاشاق تەڭىزشىلەردى دايارلاۋ تۋرالى حالىقارالىق كونۆەنسيانىڭ تالاپتارىنا سايكەس ازىرلەندى، ونىڭ «اق تىزىمىنە» ەكى مەملەكەت تە ەنگىزىلگەن.
2024 جىلعى 11 ناۋرىزدا مەملەكەت باسشىسىنىڭ ءازىربايجان رەسپۋبليكاسىنا ساپارى بارىسىندا ەكى ەلدىڭ كولىك مينيسترلىگى مەن سيفرلىق دامۋ جانە كولىك مينيسترلىگى اراسىندا تەڭىز كەمەلەرى ەكيپاجى مۇشەلەرىنىڭ كاسىبي ديپلومدارىن ءوزارا تانۋ تۋرالى كەلىسىمگە قول قويىلدى، دەپ حابارلايدى Almaty-akshamy.kz كولىك مينيسترلىگىنە سىلتەمە جاساپ.
كەلىسىمگە قول قويۋ ازەربايجان تاراپىنىڭ قازاقستان رەسپۋبليكاسى پورتتارىنىڭ تەڭىز اكىمشىلىگى بەرەتىن تەڭىزشىلەردىڭ كاسىبي ديپلومدارىن تانۋىن قامتاماسىز ەتىپ، قازاقستاندىق تەڭىزشىلەرگە ازەربايجان تۋى استىندا كەمەلەردە جۇمىس ىستەۋگە مۇمكىندىك بەرەدى.