تايۆانداعى پرەزيدەنت سايلاۋى ءوتىپ لاي سيندە جەڭىسكە جەتتى، دەپ حابارلايدى almaty-akshamy.kz Kazinform سىلتەمە جاساپ.
سايلاۋشىلاردىڭ 41%-ى لاي سيندەگە داۋىس بەردى (بيۋللەتەندەردىڭ 80%-ى وڭدەلگەننەن كەيىن). سايلاۋشىلاردىڭ 33%-ى گوميندان پارتياسىنىڭ كانديداتى حوۋ ءيۋيدى قولدادى. ءۇشىنشى ۇمىتكەر تايۆان حالىقتىق پارتياسىنىڭ (تحپ) باسشىسى كە ۆەنچجە 26 پايىزعا جۋىق داۋىس جينادى.
تايۆاندا سونىمەن بىرگە زاڭ شىعارۋشى يۋانعا (پارلامەنتكە) سايلاۋ ءوتتى.ورتالىق سايلاۋ كوميسسياسىنىڭ مالىمەتىنشە، پارلامەنتتىڭ جاڭا شاقىرىلىمىندا دپپ-دا 52، گوميندان پارتياسىندا 51 ورىن بولسا، تايۆان حالىقتىق پارتياسىندا 8 ماندات، سونىمەن بىرگە تاۋەلسىز كانديدات تا ءبىر ماندات الادى. قالعان ورىن ءۇشىن جاڭا تايبەيدەگى سايلاۋ وكرۋگتەرىنىڭ بىرىنەن – دپپ مەن گوميندان پارتياسىنىڭ كانديداتتارى اراسىندا تالاس ءجۇرىپ جاتىر.
ەستەرىڭىزگە سالا كەتەيىك، بۇگىن تايۆاندا پرەزيدەنت جانە پارلامەنت سايلاۋى ءوتتى. داۋىس بەرۋگە 19،5 ميلليون ادام قاتىستى. تايۆان پرەزيدەنتى ءتورت جىلدىق مەرزىمگە سايلانادى جانە ءبىر رەت قايتا سايلانا الادى.