سىرتقى ىستەر مينيسترلىگى تايلاندتىڭ پحۋكەت ارالىندا 18 جاستاعى قازاقستاندىقتىڭ سۋعا باتقانى جايلى دەرەكتى راستادى، دەپ حابارلايدى almaty-akshamy.kz
«1 قىركۇيەك كۇنى كونسۋلعا پحۋكەت جاعالاۋىندا جاس جىگىتتىڭ سۋعا باتىپ كەتكەنى جانە ونىڭ قازاقستان ازاماتى بولۋى ىقتيمال دەگەن مالىمەت كەلىپ ءتۇستى. ەكى كۇنگە سوزىلعان ىزدەستىرۋ جۇمىسىنان كەيىن تايلاندتىق قۇتقارۋشىلار 2005 جىلى تۋعان ەر ادامنىڭ دەنەسىن سۋدان الىپ شىقتى. مارقۇمنىڭ اتا-اناسى پحۋكەتكە كەلىپ جەتتى جانە دەنەنى تانىپ، انىقتاۋ پروسەدۋراسىنا قاتىسادى»، - دەلىنگەن ۆەدومستۆونىڭ مالىمەتىندە.