بالا قۇقىقتارى جونىندەگى ۋاكىل دينارا زاكييەۆا الەۋمەتتىك جەلىدەگى پاراقشاسىندا زاڭعا وزگەرىس ەنگىزۋدى ۇسىندى، دەپ حابارلايدى almaty-akshamy.kz
«پرەزيدەنت ءوز جولداۋىندا بالالاردى زورلىق-زومبىلىقتان قورعاۋداعى ماڭىزدى مىندەتتەردى ايقىندادى. «مەن مەملەكەت باسشىسى رەتىندە كامەلەتكە تولماعاندارعا جاسالعان زورلىق-زومبىلىقتىڭ كەز كەلگەن تۇرىنە قاتىستى جازانى كۇشەيتۋدى تالاپ ەتەمىن». «ءبىلىم بەرۋ مەكەمەلەرىندەگى پسيحولوگيالىق قولداۋ قىزمەتىن ينستيتۋسيونالدى تۇردە كۇشەيتۋ قاجەت. ءبىرىڭعاي سەنىم تەلەفونىن ۇيىمداستىرعان ءجون. زورلىق-زومبىلىققا جانە قىسىمعا، ياعني بۋللينگكە تاپ بولعاندارعا كومەك كورسەتۋگە ارنالعان باعدارلاما ازىرلەۋ كەرەك». بۇل نەلىكتەن ماڭىزدى؟ بۇگىنگى تاڭدا زاڭنامادا كۇش كورسەتۋ مەن قاتىگەزدىك تانىتۋعا بايلانىستى ارەكەتتەردىڭ بارلىق نىسانىن قامتيتىن، ولار ءۇشىن جاۋاپكەرشىلىكتى كوزدەيتىن جەكە باپتار جوق. قۇقىق قورعاۋشىلار جاۋاپكەرشىلىككە تارتۋ ءۇشىن بارىنشا سايكەس كەلەتىن باپتاردى قولدانۋعا ءماجبۇر. وسىعان بايلانىستى، ءبىز قاراۋ جانە تالقىلاۋ ءۇشىن ازىرلەنىپ جاتقان شارالاردىڭ قاتارىنا قىلمىستىق كودەكسكە جازانى قاتاڭداتا وتىرىپ، كامەلەتكە تولماعاندارعا قاتىستى كۇش كورسەتۋ مەن قاتىگەزدىك تانىتۋعا بايلانىستى ىس-ارەكەتتەردىڭ بارلىق نىساندارىن قامتيتىن «كامەلەتكە تولماعاندارعا قاتىستى زورلىق-زومبىلىق» بابىن قوسۋدى ماڭىزدى دەپ سانايمىز» دەپ اتاپ ءوتتى دينارا زاكييەۆا Facebook پاراقشاسىندا.
ونىڭ ايتۋىنشا، مىسالى، ساۋدا ورتالىعىندا بالانىڭ بەتىنەن تەۋىپ جىبەرگەن ادامعا «بۇزاقىلىق» بابى قولدانىلعان.
ق ر اقبتك-دەگى «ۇرىپ-سوعۋ» بابى بالالارعا ءىس جۇزىندە قولدانىلمايدى.
قاتىگەز قارىم-قاتىناس ءۇشىن قولدانىلاتىن، ايتسە دە جاۋاپكەرشىلىگى ىس-ارەكەتكە سايكەس كەلمەيتىن «كامەلەتكە تولماعان ادامدى تاربيەلەۋ ءجونiندەگi مiندەتتەردi ورىنداماۋ«اتتى ق ر قك 140-بابى تاربيەشىلەر مەن اتا-انالارعا عانا كوزدەلگەن.
تاعى ءبىر مىسال، وگەي اكەسى بالانى ۇرىپ-سوعىپ، بالا اۋرۋحاناعا، سودان سوڭ كامەلەتكە تولماعانداردى بەيىمدەۋ ورتالىعىنا ءتۇستى. وگەي اكەسىنىڭ بوستاندىعى عانا شەكتەلدى، ياعني ول سول كۇيى ۇيىندە تۇرا بەرەدى. بۇنداي جازا سونداي ارەكەت جاساعان ادامعا لايىقتى جازا ەمەس.
«سونداي-اق، تاراپتاردىڭ تاتۋلاسۋىن، سونداي-اق ازاپتاۋعا، زورلىق-زومبىلىقتىڭ كەز-كەلگەن تۇرىنە، بالالارعا قاتىگەزدىك تانىتۋعا قاتىستى قىلمىستار ءۇشىن باس بوستاندىعىن شەكتەۋ سياقتى جازا ءتۇرىن الىپ تاستاۋدى قاراستىرعان ءجون. قاتىگەزدىك تانىتقانى ءۇشىن جازا تاعايىندالماۋى كوبىنەسە ودان دا اۋىر قىلمىستارعا اكەپ سوعادى. مۇنداي ارەكەتتى جاساعان ادام جازانىڭ قاتال ەكەنىن ءبىلۋى كەرەك. بۇل رەتتە بالالارعا قاتىگەزدىك تانىتۋ، ولارعا قاتىستى زورلىق-زومبىلىققا بايلانىستى ىس-ارەكەت جاساعانداردىڭ بارلىعىن پسيحولوگيالىق كومەك كۋرسىن وتۋگە مىندەتتەۋ كەرەك. زورلىق-زومبىلىققا ۇشىراعان بالالاردى انىقتاۋدا، ولارمەن جۇمىس ىستەۋدە پسيحولوگتار باستى ءرول اتقارادى. بۇگىندە 13 وبلىستا مەكتەپتەردىڭ پسيحولوگيالىق قىزمەتتەرىن وقىتۋمەن، ۇيلەستىرۋمەن، ساپاسىمەن اينالىساتىن پسيحولوگيالىق قولداۋ ورتالىقتارى جوق. وسىعان بايلانىستى ق ر پرەزيدەنتىنىڭ جولداۋىنا سايكەس ءبىلىم بەرۋ مەكەمەلەرىندەگى پسيحولوگيالىق قولداۋ قىزمەتىن ينستيتۋسيونالدى تۇردە كۇشەيتۋ بۇل ماسەلەنى شەشەدى» دەيدى ومبۋدسمەن.
دينارا زاكييەۆانىڭ سوزىنە قاراعاندا بۇگىندە زورلىق-زومبىلىق قۇربانى بولعان بالالارعا كومەك كورسەتۋدىڭ ءبىرىڭعاي باعدارلاماسى جوق.
اتا-انالار ادۆوكات، زاڭگەرلىك كەڭەستى ءوز بەتىنشە ىزدەپ ءجۇر. ءبىرىڭعاي سەنىم تەلەفونىن قۇرۋ زورلىق-زومبىلىقتىڭ الدىن الۋ مەن انىقتاۋدىڭ نەگىزىنە اينالادى، الەمدىك تاجىريبەدە بۇنداي تەلەفون – ەڭ ءتيىمدى قۇرالداردىڭ ءبىرى.
ءار بالا كەز كەلگەن ساتتە كومەككە جۇگىنە الاتىن ءنومىردى جاتقا ءبىلۋى كەرەك. بۇل بويىنشا پرەزيدەنت تاپسىرماسىمەن ق ر سدياوم-مەن جۇمىس ءجۇرىپ جاتىر.