جەتىسۋ وبلىسىندا دەپارتامەنت باسشىسى پارا الدى دەگەن كۇدىككە ءىلىندى، دەپ حابارلايدى Almaty-akshamy.kz BAQ.KZ-كە سىلتەمە جاساپ.
جەتىسۋ وبلىسى بويىنشا Cىبايلاس جەمقورلىققا قارسى قىزمەت دەنساۋلىق ساقتاۋ مينيسترلىگى مەديسينالىق جانە فارماسيەۆتيكالىق باقىلاۋ كوميتەتى وبلىستىق دەپارتامەنتى باسشىسىنىڭ زاڭسىز قىزمەتىنىڭ جولىن كەستى.
شەنەۋنىك مەديسينالىق قىزمەت كورسەتۋ جانە ءتيىستى ليسەنزيا بەرۋ جونىندەگى قىزمەتىن جالپى قامقورلىعى ءۇشىن كاسىپكەرلەردەن جۇيەلى نەگىزدە پارا الدى دەگەن كۇدىككە ءىلىنىپ وتىر. سوتقا دەيىنگى تەرگەۋ جالعاسىپ جاتىر، - دەپ اقپارات تاراتتى Cىبايلاس جەمقورلىققا قارسى قىزمەت اگەنتتىگىنىڭ باسپا ءسوز قىزمەتى.
دەپارتامەنت باسشىسى مەن پارا بەرۋشىلەرگە قاتىستى قورىتىندى شەشىمدى سوت قابىلدايدى.
قىلمىستىق-پروسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى.
كونستيتۋسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروسەستىك كودەكسىنىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.