2023-2024 جىلعى وقۋ جىلدارىندا باستاۋىش سىنىپتا وقيتىن 1،4 ملن بالا تەگىن تاماقتانادى.
وقۋ-اعارتۋ مينيسترلىگىنىڭ مالىمەتىنە سۇيەنسەك، 1 قىركۇيەكتەن باستاپ 7 700 ءبىلىم بەرۋ ۇيىمىندا 3 ملن 900 مىڭ بالا ءبىلىم الادى، ولاردىڭ 382 مىڭى مەكتەپ تابالدىرىعىن العاش اتتايدى، دەپ حابارلايدى Almaty-akshamy.kz
قازاقستان مەكتەپتەرىندە 340 676 پەداگوگ جۇمىس ىستەيدى. ونىڭ ىشىندە ەڭبەك ءوتىلى 10 جىلعا تولماعان 147 402 ءمۇعالىم، 20 جىلعا جۋىقتاعان 88 393، 20 جىلدان اسقان 104 881 پەداگوگ بار.
جىل سايىن الەۋمەتتىك وسال ساناتتاعى وتباسىلارعا كومەك كورسەتىلەدى. بيىل 460 مىڭ بالا ءۇشىن 65،8 ملرد تەڭگە قاراستىرىلعان. بۇل تۇرعىدا وڭىرلەر اراسىندا ماڭعىستاۋ وبلىسىنىڭ كورسەتكىشى (62%) ماردىمسىز كورىنەدى.
پرەزيدەنتتىڭ 1-4 سىنىپ وقۋشىلارىن تەگىن تاماقپەن قامتاماسىز ەتۋ تۋرالى تاپسىرماسى بيىلعى وقۋ جىلىندا تولىققاندى ورىندالماق. ءوڭىر اكىمدىكتەرى وعان قاجەتتى قارجىنى ءبولىپ قويعان. سونىڭ ناتيجەسىندە 1 قىركۇيەكتەن باستاپ 1 ملن 400 مىڭ باستاۋىش سىنىپ وقۋشىسى تەگىن تاماقتانادى.