قازاقستاندىق تۋريست يتاليادا پومپەي ارحەولوگيالىق ساياباعىندا سەيلەر ۇيىندەگى قابىرعاعا ALI دەپ ەسىمىن جازعان.
ارحەولوگيالىق ساياباق ديرەكتورى قازاقستاندىق ايىپپۇل تولەۋمەن قاتار ءۇيدىڭ قابىرعاسىن قالىپقا كەلتىرۋگە ءماجبۇر بولاتىنىن مالىمدەدى، دەپ حابارلايدى Almaty-akshamy.kz.
«Yeni Şafak» باسىلىمىنىڭ مالىمەتىنشە، ازىرگە شىعىن كولەمى ناقتى اتالعان جوق، ول تەحنيكالىق ساراپتامادان سوڭ انىقتالادى.
بۇل ءۇي سامنيت كەزەڭىنە، ياعني ءبىزدىڭ زامانىمىزعا دەيىن ءىى عاسىرعا جاتاتىنى دالەلدەنگەن.
بۇل قازاقستاندىق تۋريستەر تاراپىنان شەتەلدە بولعان ءتارتىپ بۇزۋشىلىقتىڭ بۇگىنگە ەكىنشى وقيعاسى. بۇعان دەيىن 13 قازاقستاندىق ءتۋريستىڭ كەسىرىنەن گرەكيادا ورمان ءورتى شىققانىن حابارلاعان بولاتىنبىز.