ەلىمىزدە شاش قيۋ باعاسى قىمباتتاعان

Finprom.kz سايتىنىڭ مالىمەتىنشە، بيىل قاڭتار-ناۋرىز ايلارىندا شاشتاراز جانە سۇلۋلىق سالوندارى كورسەتكەن قىزمەت كولەمى 18،7 ملرد تەڭگەنى قۇراعان، دەپ حابارلايدى Almaty-akshamy.kz.

بۇل — وتكەن جىلدىڭ سايكەس كەزەڭىمەن سالىستىرعاندا 2،3 ەسە ارتىق. ءبىر جىل بۇرىن ءوسىم 18،2%-عا دەيىن تىركەلگەن ەدى.

2024 جىلدىڭ مامىر ايىنىڭ سوڭىندا شاشتارازدار مەن سۇلۋلىق سالوندارىنداعى قىزمەتتەردىڭ باعاسى ايىنا 1،4%-عا وسكەن.

ءبىر اي بۇرىن 1،2% ءوسىم بايقالسا، وتكەن جىلدىڭ سايكەس كەزەڭىندە 0،5 پايىزدى قۇراعان بولاتىن.

ءبىر جىل ىشىندە شاشتاراز جانە سۇلۋلىق سالوندارىنداعى قىزمەتتەردىڭ باعاسى 12،1%-عا ارتىپ وتىر. ءبىر جىل بۇرىن باعانىڭ جىلدىق ءوسىمى 16،6%-عا تەڭ ەدى.

اتاپ ايتساق، ءبىر جىل ىشىندە مانيكيۋر قىزمەتى — 15،9%-عا، ايەلدەر مەن ەرلەردىڭ شاش قيۋى تيىسىنشە 14،5%-عا جانە 11،4%-عا ارتقان.

ال، ەپيلياسيا جانە پەديكيۋر قىزمەتتەرىنىڭ باعاسى سايكەسىنشە 8،3% جانە 7،1% دەيىن وسكەن.

ەلىمىزدە ايەلدەردىڭ شاش قيۋىنا ورتاشا ەسەپپەن 3،6 مىڭ تەڭگەن قاجەت ەكەن. ەرلەردىڭ شاش قيۋىنىڭ ورتاشا باعاسى 2،5 مىڭ تەڭگەگە تەڭ.

ايەلدەردىڭ شاش قيۋىنىڭ ەڭ جوعارى باعاسى الماتى جانە استانا قالالارىندا تىركەلدى (5،3 مىڭ جانە 4،5 مىڭ تەڭگە).

ەرلەردىڭ شاش قيۋى الماتى مەن قاراعاندى وبلىسىندا قالتاعا سالماق سالادى. اتالعان شاھارلارداعى باعا، سايكەسىنشە 3،6 مىڭ جانە 3،1 مىڭ تەڭگەنى قۇراپ وتىر