گرۋزيا پارلامەنتىنىڭ سپيكەرى شالبا پاپۋاشبيلي بيلىكتەگى «گرۋزين ارمانى – دەموكراتيالىق گرۋزيا» پارتياسىنىڭ لگبت ناسيحاتىنا جانە جىنىس اۋىستىرۋعا تىيىم سالاتىن زاڭ جوبالارىنىڭ پاكەتى كۇن تارتىبىنە ەنگىزىلىپ جاتقانىن حابارلادى.
بۇل جايىندا islam.kz پورتالى lenta.ru اقپارات كوزىنە سىلتەمە جاساي وتىرىپ ءمالىم ەتكەن، دەپ حابارلايدى Almaty-akshamy.kz.
بيلىك پارتياسى «وتباسى قۇندىلىقتارى جانە كامەلەتكە تولماعانداردىڭ قۇقىقتارىن قورعاۋ تۋرالى» زاڭ جوباسى نەگىزىندە رەسپۋبليكا كونستيتۋسياسىنا ءتيىستى تۇزەتۋلەر ەنگىزۋدى كوزدەپ وتىر. اتالمىش زاڭ جوباسى قوعام قولداۋىنا يە بولعانىن جەتكىزدى پارلامەنت جەتەكشىسى.
بۇل باعىتتاعى زاڭ جوبالارى پاكەتىندە ءبىر جىنىستى نەكەنى تىركەۋگە؛ جىنىسىن وزگەرتكەن نەمەسە ءبىر جىنىستى توسەك قاتىناسىنداعى ادامداردىڭ كامەلەتكە تولماعان بالالاردى اسىراپ الۋىنا؛ رەسمي قۇجاتتاردا بيولوگيالىق (تابيعي) جىنىسىنان وزگەشە جىنىسىن كورسەتۋگە؛ جىنىس اۋىستىرۋ وپەراسيالارىنا تىيىم سالۋ قاراستىرىلعان. بۇقارالىق اقپارات قۇرالدارىندا ءبىر جىنىستىلاردى دارىپتەيتىن كورىنىستەردى جانە ۇقساس مازمۇنداعى جارنامالاردى تاراتۋعا تىيىم سالىنادى. سونىمەن قاتار، بۇل تاراپاعى تۇزەتۋلەر بويىنشا لگبت يدەولوگياسىن ناسيحاتتاۋعا باعىتتالعان قوعامدىق جيىندارعا تىيىم سالىنادى، كومپانيالار قىزمەتكەرلەردىڭ بيولوگيالىق جىنىسى ەسكەرىلمەگەن ەڭبەك كەلىسىمدەرىن جاساي المايدى، ت.ب. زاڭنامالىق تۇزەتۋلەر كۇزدە تۇپكىلىكتى قابىلدانادى.
وسى ورايدا ەلىمىزدە دە كوكتەم مەزگىلىندە «بالا قۇقىعى تۋرالى» زاڭعا تۇزەتۋلەر ەنگىزىلگەنىن ايتى كەتپەكپىز. تۇزەتۋلەرگە سايكەس ءبىر جىنىستى توسەك قaتىنaسىندaعى، سوندaي-aق، بىرەۋگە جىنىستىق قىسىم كورسەتىپ، قىلمىسكەر aتaنعaن تۇلعaلaر، بۇدان بولەك، تەرروريستىك نەمەسە ەكسترەميستىك ارەكەتىمەن كوزگە تۇسكەندەرگە جانە ادام ساۋداسى بويىنشا سوتتى بولعاندارعا بالا اسىراپ الۋعا نەمەسە قامقورشى بولۋعا تىيىم سالىندى.