2024 جىلدىڭ ناۋرىز ايىنان باستاپ «بالالار – ەل بولاشاعى» رقب الماتى قالاسىنىڭ جۇمىسپەن قامتۋ جانە الەۋمەتتىك باعدارلامالار باسقارماسىنىڭ مەملەكەتتىك الەۋمەتتىك تاپسىرىسى اياسىندا «بالالارعا يپپوتەراپيا قىزمەتى» الەۋمەتتىك جوباسىن جۇزەگە اسىرۋدا، دەپ حابارلايدى almaty-akshamy.kz
جوبا مۇگەدەكتىگى بار، پسيحونيەۆرولوگيالىق اۋرۋلارمەن، اقىل-وي كەمىستىكتەرىمەن، تىرەك-قيمىل اپپاراتىنىڭ بۇزىلۋىمەن، سونىڭ ىشىندە سەرەبرالدى سال اۋرۋى، داۋن سيندرومى جانە اۋتيزم سپەكترىنىڭ بۇزىلۋى بار 18 جاسقا دەيىنگى بالالارعا ارنالعان.
بۇل جوبا جەرگىلىكتى بيۋدجەت ەسەبىنەن قارجىلاندىرىلىپ، بالالارعا تەگىن قىزمەت كورسەتىلەدى. قازىرگى ۋاقىتتا 50 بالا يپپوتەراپيا قىزمەتىن الىپ جاتىر.
يپپوتەراپيا — فيزيوتەراپيانىڭ ءبىر ءتۇرى، ول دەنە بەلسەندىلىگىن دامىتىپ، بۇزىلعان فۋنكسيالاردى قالپىنا كەلتىرۋگە جانە جوعالعان داعدىلاردى جاقسارتۋعا كومەكتەسەدى. قىزمەت «تۇلپار» ات سپورت كلۋبىندا، جانسۇگىروۆ كوشەسى 252/2 مەكەنجايى بويىنشا كورسەتىلەدى.
قىزمەت اپتاسىنا 3 رەت ق ر ست 3391-2019 «ءاداپتيۆتى ات سپورتى بويىنشا قىزمەتتەر» ستاندارتىنا سايكەس كورسەتىلەدى. تولىق اقپاراتتى +7 707 914 66 07 تەلەفونى ارقىلى الۋعا بولادى.
بۇل جوبا بالالاردىڭ فيزيكالىق جانە پسيحيكالىق دەنساۋلىعىن جاقسارتۋعا باعىتتالعان ماڭىزدى قادام بولىپ تابىلادى. يپپوتەراپيانىڭ وڭ اسەرلەرى كوپتەگەن وتباسىلاردىڭ ءومىر ساپاسىن ارتتىرۋعا كومەكتەسەدى.