الماتىدا سەيفۋللين داڭعىلى مەن جانسۇگىروۆ كوشەسىنىڭ قيىلىسىندا قوزعالىس سىزباسى وزگەرتىلەدى
سەيفۋللين داڭعىلى مەن جانسۇگىروۆ كوشەسىنىڭ قيىلىسىندا جول ايرىعىن سالۋ اياسىندا جوعارىدا كورسەتىلگەن ۋچاسكەدە كولىك قۇرالدارىنىڭ قوزعالىسىنا كەزەڭ-كەزەڭمەن شەكتەۋلەر ەنگىزىلەدى، دەپ حابارلايدى almaty-akshamy.kz
ماسەلەن، 7 ماۋسىمنان باستاپ سەيفۋللين داڭعىلىنىڭ وڭتۇستىگىندە جانسۇگىروۆ كوشەسى بويىنشا كولىك قۇرالدارىنىڭ وتپەلى قوزعالىسى شەكتەلەدى. قوزعالىس جانسۇگىروۆ كوشەسىنەن سەيفۋللين داڭعىلىنا جانە سەيفۋللين داڭعىلىنان جانسۇگىروۆ كوشەسىنە دەيىنگى جول ايرىعىنىڭ سەزدەرى بويىنشا قامتاماسىز ەتىلەدى.
14 ماۋسىمنان باستاپ سەيفۋللين داڭعىلىنىڭ سولتۇستىگىندە جانسۇگىروۆ كوشەسى بويىنشا كولىك قۇرالدارىنىڭ قوزعالىسى شەكتەلەدى. قوزعالىس سەزدەر بويىنشا قامتاماسىز ەتىلەدى. بۇل سىزبا 1 قىركۇيەككە دەيىن جارامدى بولادى.
ەستەرىڭىزگە سالا كەتەيىك، جوبادا سەيفۋللين داڭعىلىندا كولىكتىڭ كەدەرگىسىز ءجۇرۋى ءۇشىن جالپى ۇزىندىعى 690 مەتر بولاتىن ەكى توننەل سالۋ كوزدەلگەن. جانسۇگىروۆ كوشەسى بويىنشا كولىك قۇرالدارىنىڭ ءوتۋى جەر دەڭگەيىندە جۇزەگە اسىرىلاتىن بولادى. 4 جەر ءۇستى جاياۋ جۇرگىنشىلەر وتكەلى، تروتۋارلار جانە كوگالداندىرۋ قاراستىرىلعان. اعىمداعى جىلدىڭ سوڭىندا جول ايرىعىندا كولىك قوزعالىسىن تولىق اشۋ جوسپارلانۋدا.