قالا قۇرىلىسىن باقىلاۋ باسقارماسى ينتەرنەت-رەسۋرستاردىڭ مونيتورينگى بارىسىندا دوستىق داڭعىلى، 170/1 مەكەنجايىنداعى تك-دە پاتەرلەردى ساتۋ تۋرالى حابارلاندىرۋ انىقتادى، دەپ حابارلايدى اlmaty-akshamy.kz.
قالا تۇرعىندارىنا وسى مەكەنجاي بويىنشا تۇرعىن ءۇي كەشەنىنەن جىلجىمايتىن مۇلىك ساتىپ الۋدان باس تارتقان ءجون.
مەنشىك يەسى بۇل ۋچاسكەدە ساۋلەت-جوسپارلاۋ تاپسىرماسى بولعان كتج نىسانالى ماقساتىمەن قۇرىلىستى 2005 جىلى باستاعان، سودان كەيىن نىسان بىرنەشە جىلعا توقتاتىلعان.
كەيىن جەر ۋچاسكەسى باسقا مەنشىك يەسىنە بەرىلدى، ول سول ۋچاسكەدە زاڭسىز ستاسيونارلىق ەمەس ساۋدا وبەكتىلەرىن تۇرعىزدى. باسقارما مەنشىك يەسىنە قاتىستى زاڭسىز ساۋدا پاۆيلوندارىن بۇزۋعا تالاپ ارىز بەردى. 2023 جىلدىڭ 2 مامىرىندا ساۋدا نىساندارىن بۇزۋ تۋرالى شەشىم قابىلداندى. سوت شەشىمىنىڭ زاڭدى كۇشىنە ەنۋى كۇتىلۋدە.
مەدەۋ اۋداندىق سوتىنا جىلجىمايتىن مۇلىككە، قمج جۇرگىزۋگە جانە رۇقسات قۇجاتتاماسىن بەرۋگە تىيىم سالۋ بولىگىندە تالاپ قويۋدى قامتاماسىز ەتۋمەن عيماراتتىڭ ءوزىن بۇزۋعا تاعى ءبىر تالاپ ارىز بەرىلدى. سوت پروسەستەرى ءالى دە جۇرگىزىلۋدە، سوت-قۇرىلىس ساراپتاماسى تاعايىندالدى.
جىلجىمايتىن مۇلىكتى ساتىپ الۋدان بۇرىن سالىنىپ جاتقان تك-نى قالا قۇرىلىسىن باقىلاۋ باسقارماسىنىڭ +7 (727) 229-81-36 جەدەل جەلىسىنىڭ ءنومىرى بويىنشا قۇجاتتاردىڭ تولىق پاكەتىنىڭ بار-جوعىن تەكسەرۋدى ۇسىنامىز.