كەيبىر ازاماتتاردىڭ اليمەنت تولەي الاتىنداي جاعدايى بار.
ءبىراق سوعان قاراماي، بالاسىن اسىراۋدان ادەيى جالتارادى، تابىسى مەن مۇلكىن جاسىرادى، دەپ حابارلايدى Almaty-akshamy.kz
بۇل تۋرالى ورتالىق كوممۋنيكاسيالار قىزمەتىندە وتكەن بريفينگتە رەسپۋبليكالىق جەكە سوت ورىنداۋشىلار پالاتاسىنىڭ ءتوراعاسى ايدوس يمانبايەۆ ايتتى.
«كەيبىر بورىشكەرلەر ناقتى قارجىلىق مۇمكىندىكتەرى بولا تۇرىپ، بالالارىن اسىراۋدان ادەيى جالتارادى، تابىسى مەن مۇلكىن جاسىرادى. بۇگىنگى تاڭدا اليمەنتتىڭ مولشەرى بورىشكەردىڭ تابىسىنا بايلانىستى بەلگىلەنەدى. بۇل تەرىس پيعىلدى بورىشكەرلەرگە تابىستارىن جاساندى تۇردە ازايتىپ كورسەتۋگە جول بەرەدى. ادەتتە، بۇل بورىشكەرلەردىڭ كوپشىلىگى جەكە كاسىپكەر رەتىندە رەسمي تىركەلىپ، وزدەرىنە ەڭ تومەنگى جالاقى 70 000 تەڭگە بەلگىلەيدى»، - دەدى ماسەلە كوتەردى ايدوس يمانبايەۆ.
ونىڭ ايتۋىنشا، بۇل ماسەلەلەردى شەشۋ ءۇشىن بالالاردىڭ قۇقىعىن قورعاۋ جونىندەگى ۋاكiلەتتi ورگان باستاماسىمەن اليمەنت مولشەرiن قايتا قاراۋ ۇسىنىسى كوتەرىلىپ جاتىر.
«ادىلەت مينيسترلىگى مۇددەلى مەملەكەتتىك ورگاندارمەن بىرلەسىپ، بورىشكەرلەردىڭ جاسىرىن تابىسىن، ياعني تاكسي قوسىمشالارى، كۋرەرلىك قىزمەتتە جۇمىس ىستەيتىن ادامداردىڭ تابىسىن انىقتاۋ ماسەلەلەرىن پىسىقتاۋدا»، - دەپ ءبولىستى ايدوس يمانبايەۆ.