سونداي-اق ول يۋنەسكو-نىڭ بۇكىلالەمدىك مادەني مۇرالارى تىزىمىنە ەنگەن تۇركىستان قالاسىنداعى قوجا احمەت ياساۋي كەسەنەسىنە بارعان كەزدە العان اسەرىن ءبولىستى، دەپ حابارلايدى Almaty-akshamy.kz.
يۋنەسكو-نىڭ باس ديرەكتورى پرەزيدەنت قاسىم-جومارت توقايەۆتىڭ باسشىلىعىمەن جۇزەگە اسىرىلىپ جاتقان اۋقىمدى رەفورمالارعا، سونىڭ ىشىندە ازاماتتىق قوعامدى نىعايتۋعا، ءبىلىم جانە مادەنيەت سالاسىن دامىتۋعا قاتىستى باستامالارىنا جوعارى باعا بەردى.
– مەنىڭ قازاقستانعا جاساعان ساپارىم ءسىزدىڭ ەلىڭىزدەگى ماڭىزدى ستراتەگيالىق كەزەڭمەن تۇسپا-تۇس كەلدى. ءسىز اۋقىمدى رەفورما جۇرگىزىپ جاتىرسىز. بۇل ىستە ءسىزدىڭ پرەزيدەنتتىك مانداتىڭىز شەشۋشى ءرول اتقارۋعا ءتيىس، – دەدى ودرە ازۋلە.
سونداي-اق، ودرە ازۋلە قاسىم-جومارت توقايەۆقا «بۋراباي» جانە «مارقاكول» قورىقتارى بيوسفەرالىق رەزەرۆاتتاردىڭ جاھاندىق جەلىسىنە، سونداي-اق «ورتەكە» مۋزىكالىق-قۋىرشاق ونەرى يۋنەسكو-نىڭ ماتەريالدىق ەمەس مادەني مۇرالار تىزىمىنە ەنگەنىن راستايتىن سەرتيفيكاتتاردى تابىستادى.
