ءبىرىنشى قاڭتاردان باستاپ، تابىس اكەلەتىن كاسىبى بار ازاماتتاردىڭ بارلىعى جەكە كاسىپكەر رەتىندە تىركەلۋگە مىندەتتەلەدى. مۇنى مەملەكەتتىك كىرىستەر كوميتەتى وكىلدەرى مالىمدەدى، دەپ حابارلايدى اlmaty-akshamy.kz qazaqstan.tv-گە سىلتەمە جاساپ. 2019 جىلدان بەرى تابىسى 4 ملن تەڭگەدەن اسپايتىندار مەملەكەتكە سالىق ەمەس ءبىرىڭعاي جيىنتىق تولەم تولەپ كەلگەن. بۇل جەڭىلدىك 31 جەلتوقسان كۇنى اياقتالادى. سودان كەيىن 280 مىڭنان استام كاسىپكەر بيزنەسىن راسىمدەۋى ءتيىس. ولار بولاشاقتا وزدەرىنە ىڭعايلى سالىق ءتاريفىن تاڭداپ، بيۋدجەتكە تابىسىنىڭ ءبىر بولىگىن اۋدارىپ تۇرادى.
نازگۇل شاكىربەكوۆا، ق ر قم مەملەكەتتىك كىرىستەر كوميتەتىنىڭ باس ساراپشىسى:
ەڭ ىڭعايلى ارناۋلى سالىق رەجيمى ول ءموبيلدى قوسىمشانى پايدالاناتىن ارناۋلى سالىق رەجيمى. بۇل رەجيمدا سالىق مولشەرلەمەسى 1 پايىزدى عانا قۇرايدى. دارا كاسىپكەر سالىق نىسانىن تاپسىرمايدى. جانە ءموبيلدى قوسىمشا ءوزى دارا كاسىپكەر ءۇشىن سالىقتاردى ەسەپتەيدى.