قاۋلى جوباسى اشىق نقا پورتالىندا جاريالاندى.
"قازاقستان مەن رەسەي ۇكىمەتى اراسىنداعى كوكشەتاۋ، سەمەي جانە وسكەمەن قالالارىندا كومىرمەن جۇمىس ىستەيتىن جىلۋ ەلەكتر ستانسيالارىن سالۋ جوبالارى تۋرالى كەلىسىمگە قول قويۋ تۋرالى" قاۋلى جوباسى شىقتى، دەپ حابارلايدى Almaty-akshamy.kz
كەلىسىم تاراپتاردىڭ ىنتىماقتاستىق شارتتارىن قازاقستان رەسپۋبليكاسىنىڭ اۋماعىندا كوكشەتاۋ، سەمەي جانە وسكەمەن قالالارىندا كومىر جىلۋ ەلەكتر ورتالىقتارىن سالۋ جوبالارىن ىسكە اسىرۋ بويىنشا، جوبالاۋ، دايىنداۋ بويىنشا جۇمىستاردى ورىنداۋدى قوسا العاندا جوبالاردىڭ ءارقايسىسى ءۇشىن تالاپ ەتىلەتىن جانە كەلىسىلگەن كولەمدە، سونداي-اق جەڭىلدىكتى قارجىلاندىرۋدى نەمەسە مەملەكەتتىك ەكسپورتتىق كرەديتتى ۇيىمداستىرۋ بويىنشا بارلىق تالاپ ەتىلەتىن جوبالارمەن جۇيەلەرمەن، عيماراتتارمەن جانە قۇرىلىستارمەن جاڭا ەلەكتر ستانسيالارىن سالۋ جانە پايدالانۋعا بەرۋ بويىنشا ايقىندايدى.
جوبالاردى ىسكە اسىرۋعا جاۋاپتى ۇيىمدار:
قازاقستان تاراپىنان - تاپسىرىس بەرۋشىنىڭ فۋنكسيالارىن جۇزەگە اسىراتىن "سامۇرىق-ەنەرگو" اكسيونەرلىك قوعامى؛
رەسەي تاراپىنان - باس مەردىگەردىڭ فۋنكسيال ارىن جۇزەگە اسىراتىن "ينتەر راو" كومپانيالار توبىنا كىرەتىن جانە ءوزىنىڭ قوسالقى مەردىگەرلەرى رەتىندە ءتيىستى ۇيىمداردى تارتۋعا قۇقىلىوسى كەلىسىم شەڭبەرىندە ىنتىماقتاستىقتى جۇزەگە اسىرۋ ءۇشىن جاۋاپكەرشىلىگى شەكتەۋلى سەرىكتەستىك "ينتەر راو - ەكسپورت".
جوبالار مىناداي كەزەڭدەردە ىسكە اسىرىلادى:
№ 1 كەزەڭ – ەلەكتر ستانسيالارىن كەيىننەن قاتتى وتىننان تابيعي گازعا اۋىستىرۋ مۇمكىندىگىن ەسكەرە وتىرىپ، جوبالاردىڭ ءارقايسىسى بويىنشا قاجەتتى ساراپتامالار جۇرگىزە وتىرىپ، جوبالاۋ قۇجاتتاماسىن ازىرلەۋ؛
№ 2 كەزەڭ – جۇمىس قۇجاتتاماسىن ازىرلەۋ، جابدىقتار مەن ماتەريالداردى جەتكىزۋدى جۇزەگە اسىرۋ، قۇرىلىس-مونتاجداۋ جانە ىسكە قوسۋ-باپتاۋ جۇمىستارىن ورىنداۋ، وسى كەلىسىمگە قول قويىلعان كۇنى رەسەي فەدەراسياسىنىڭ اۋماعىندا قولدانىستاعى نورمالاردىڭ تالاپتارىنا سايكەس قازاندىق قوندىرعىلارىنىڭ ەكولوگيالىق كورسەتكىشتەرىن قامتاماسىز ەتە وتىرىپ، گەنەراسيالايتىن جابدىققا قاتىستى قىزمەتتەر كورسەتۋ؛
№ 3 كەزەڭ – جۇمىس قۇجاتتاماسىن ازىرلەۋ، جابدىقتار مەن ماتەريالداردى جەتكىزۋدى جۇزەگە اسىرۋ، قۇرىلىس-مونتاجداۋ جانە ىسكە قوسۋ-باپتاۋ جۇمىستارىن ورىنداۋ، قازاقستان رەسپۋبليكاسىنىڭ اۋماعىندا قولدانىستاعى نورمالاردىڭ تالاپتارىنا سايكەس ەلەكتر ستانسيالارىنىڭ ەكولوگيالىق كورسەتكىشتەرىن قامتاماسىز ەتە وتىرىپ، گاز تازارتۋ جۇيەسىنە قاتىستى قىزمەتتەر كورسەتۋ، ولاردى قازاقستاندىق تاراپ جوبالارعا قاتىستى مەرزىمدەردە ايقىندايتىن جانە ۇسىناتىن بولادى.
جاڭا ەلەكتر ستانسيالارىن ىسكە قوسقاننان كەيىن تاپسىرىس بەرۋشى ەلەكتر ستانسيالارىن پايدالانۋدى جانە ولاردى پايدالانۋ جانە تەحنيكالىق قىزمەت كورسەتۋ جونىندەگى نۇسقاۋلىققا سايكەس تەحنيكالىق قىزمەت كورسەتۋدى ىسكە اسىرادى.
كەلىسىم ەنەرگەتيكالىق قاۋىپسىزدىكتى ساقتاۋعا جانە ەل ەكونوميكاسى مەن حالقىن سەنىمدى ەلەكترمەن جابدىقتاۋعا باعىتتالعان.