«تازا پاراقتان باستاۋ» اتتى رەتتەۋ ينستيتۋتىن ەنگىزۋگە ءبىر جىل قالدى
پرەزيدەنت قاسىم-جومارت توقايەۆ «التىن ساپا» جانە «پارىز» سىيلىقتارىنىڭ يەگەرلەرىن ماراپاتتاۋ سالتاناتىندا سويلەگەن سوزىندە بيزنەستى رەتتەۋدىڭ جاڭا ساياساتى قالاي ىسكە اساتىنىن ءتۇسىندىردى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«ءبىز الداعى 7 جىلدا كاسىپكەرلىك بەلسەندىلىكتى شەكتەيتىن بارلىق كەدەرگىنى جويۋعا كۇش سالامىز. مەملەكەت بيزنەستى وركەندەتۋ ءۇشىن ناقتى شارالار قابىلداي بەرەتىن بولادى. ءبىرىنشى – بيزنەستى رەتتەۋگە باعىتتالعان جاڭا تاسىلدەر. «تازا پاراقتان باستاۋ» اتتى رەتتەۋ ينستيتۋتىن ەنگىزۋگە ءبىر جىل قالدى. بۇگىن ۇكىمەت بيزنەستىڭ دامۋىنا كەدەرگى كەلتىرەتىن باسى ارتىق تالاپتاردى انىقتاۋ بويىنشا اۋقىمدى جۇمىس جۇرگىزدى. ءقازىردىڭ وزىندە ەكونوميكانىڭ ءتۇرلى سالاسىندا جاڭا رەتتەۋ ساياساتىنا سايكەس كەلمەيتىن 6،5 مىڭنان استام تالاپ بەلگىلى بولدى»، - دەدى پرەزيدەنت.
سونداي-اق، مەملەكەت باسشىسى ۇكىمەتكە وسى ماسەلەنى رەتتەۋ تۋرالى تاپسىرما بەردى.
«ەندى ۇكىمەتكە «اتامەكەن» پالاتاسىمەن بىرگە زاڭنامالىق جانە نورماتيۆتىك-قۇقىقتىق اكتىلەرگە ءتيىستى وزگەرىستەر ەنگىزۋ قاجەت»، - دەدى قاسىم-جومارت توقايەۆ.
ايتا كەتەيىك، وسىناۋ سالتاناتتى شارا اياسىندا ۇزدىك دەپ تانىلعاندارعا «قازاقستاننىڭ ۇزدىك تاۋارى»، «Qazaqstan Project Management Awards -2022»، «تمد بويىنشا ساپا سالاسىنداعى 2021 جىلدىڭ سىيلىعى» سياقتى كاسىپكەرلىك باعىتتاعى ماراپاتتار دا تابىستالدى.