نەيروندىق جەلىلەر ارقىلى ايىنا 2-3 ملن تەڭگە تابىس تابۋعا مۇمكىندىك بار
بۇل پىكىردى جاساندى ينتەللەكت (AI) تەحنولوگيالارىنا نەگىزدەلگەن جوبانى جاساۋشى PostCheetah مارك گادالا-ماريا ءبولىستى. ول بۇل تۋرالى ءوزىنىڭ Twitter-دەگى پاراقشاسىندا جازدى. تانىمال مامان جي ارقىلى ايىنا 10 مىڭ اقش دوللارىن تاباسىزدار دەگەن پىكىردە، ءبىز ونى ءسال ازايتىپ، 2-3 ملن تەڭگە دەپ جورامالداپ وتىرمىز.
مارك گادالا-ماريا ChatGPT چاتبوتى سياقتى AI نەگىزىندەگى باعدارلامالار ينتەرنەتتە اقشا تابۋدىڭ ەڭ وڭاي جولى دەپ سانايدى. ولاردى مونەتيزاسيالاۋ نۇسقالارىنىڭ اراسىندا ازىرلەۋشى 13 سحەمانى ۇسىنادى:
- كىتاپ جازۋ
جۋرنالدار، نۇسقاۋلىقتار، كىتاپتار جاساۋ ءۇشىن Midjourney جانە ChatGPT نەيروندىق جەلىلەرىن پايدالانۋ ابزال، سودان كەيىن ولاردى Amazon.com ەلەكتروندى كىتاپ پلاتفورماسى Kindle Direct Publishing (KDP) سايتىندا جاريالاۋ ارقىلى مونەتيزاسيالاۋ ۇسىنىلادى. مەن ءوزىم ءدال وسى جولدى باسىپ ءوتتىم. ەكى كىتاپ جازدىم. ءبىرى – فانتاستيكالىق كىتاپ، ەكىنشىءسى – بالالارعا ارنالعان قيال-عاجايىپ ەرتەگىسى. ءبىرىنشى كىتابىم قازىرگى ساتتە امازون پلاتفورماسىندا ساتىلىمدا تۇر.
- سيفرلى اگەنتتىك قۇرۋ
ءقازىر الەۋمەتتىك جەلى ارقىلى قىزمەتىڭىزدى ساتا الاسىز. مىسالى، نەيروندىق جەلىلەر لوگوتيپتەردى سىزىپ، ءتىپتى الەۋمەتتىك جەلىلەردى ىسكە قوسا الادى.
- باعدارلامالاۋ
نەيروندىق جەلىلەر كودتى وزدىگىنەن جازا الادى. Cءىز مۇنداي تاپسىرىستاردى فريلانسەرلەرگە ارنالعان سايتتاردان تابا الاسىز. ول جاقتا جاقسى تولەيدى.
- كونسۋلتاسيالىق قىزمەتتەر
اقپاراتتى جىلدام جيناۋ جانە تالداۋ مۇمكىندىگى نەيروندىق جەلىلەردى پايدالانىپ قۇندى كەڭەستەر بەرۋگە مۇمكىندىك بەرەدى. ءتۇرلى سالالارداعى كەڭەس بەرۋ قىزمەتتەرى - IT-دەن باستاپ، زاڭ، web3-كە دەيىن، ءقازىر مەنىڭشە ءار سالاداعى ەكسپەرتتەردى ادامدار ىزدەپ جۇرەدى.
- SAAS قوسىمشا جاساۋ
اۆتور SaaS قوسىمشالارىن (قىزمەت رەتىندەگى قىزمەت) جاساۋ ارقىلى نەيروندىق جەلىلەردە اقشا تابۋدى ۇسىنادى. مىسالى، AI ءارتۇرلى twitter اككاۋنتتارىنىڭ قاتىسۋىن باعالاۋ ءۇشىن باعدارلاما جازا الادى.
- اۋديتوريانى مونەتيزاسيالاۋ
جي اۋديتوريانى قالىپتاستىرىپ، ودان كەيىن اقشا تاپقىسى كەلەتىندەرگە نەمەسە تابىس تابۋ مۇمكىندىكتەرىن ارتتىرۋ ءۇشىن قاۋىمداستىقتى كەڭەيتۋدى قالايتىندار ءۇشىن قولايلى. نەيروندىق جەلىلەردى جاڭا پايدالانۋشىلاردى تارتاتىن جازبالارعا مازمۇن جوسپارىن جاساۋ ءۇشىن پايدالانۋعا بولادى.
- اقىلى كۋرستار جاساۋ
نەيروندىق جەلىنىڭ كومەگىمەن ءسىز بەلگىلى ءبىر ادامدار توبىنا كەرەكتى كۋرستىڭ تولىق مەتودولوگياسىن جاساپ، كەيىن ونى ساتۋ ءۇشىن وقۋ ماتەريالدارىن جاساي الاسىز.
- تاۋارلاردى جوبالاۋ جانە ساتۋ
تاۋار ساتاتىن كىسىلەر ءوز تاۋارلارىنا ارناپ بىرەگەي ديزايندى جاساي الادى. مىسالى، بەلگىلى ءبىر قالانىڭ اتىن، ورتاق ۇرانداردى جي ارقىلى جوبالاپ، فۋتبولكالارعا باسىپ شىعارۋعا جانە ولاردى ساتۋدان اقشا تابۋعا بولادى.
- ۆەب-ديزاين
نەيروندىق جەلىلەردىڭ كومەگىمەن ءسىز ۆەب-سايتتار مەن ءارتۇرلى پلاتفورمالار ءۇشىن بىرەگەي ديزاين جاساي الاسىز. جاساندى ينتەللەكت ارقىلى قالىپتاسقان يدەيالاردى ساتۋ وڭاي. Midjourney، ChatGPT جانە Durable مۇنداي جۇمىسقا جاراپ تۇر.
- YOUTUBE-قا ۆيدەو جاساۋ
نەيروندىق جەلىلەردە اقشا تابۋ ءۇشىن ءسىز بەلگىلى اۋديتوريا ءۇشىن ىقتيمال قىزىقتى سالانى تابۋىڭىز كەرەك. سودان كەيىن ChatGPT ارقىلى ۆيدەوعا سەناريي جازۋ كەرەك. ۆيدەونىڭ ءوزىن جاساۋعا Pictory ۇسىنىلادى.
- AI ارقىلى ارت جاساۋ
نەيروندىق جەلى ارقىلى جاسالعان كەسكىندەردى، مىسالى، NFT جاساپ نەمەسە ونى Etsy سياقتى پلاتفورمالار ارقىلى ساتۋعا بولادى.
- كوپيرايتينگ
ساتۋعا ارنالعان (تاۋارعا) SEO مازمۇنىن جاساۋ ءۇشىن ChatGPT جانە PostCheetah سياقتى نەيروندىق جەلىلەردى پايدالانۋعا بولادى. ماتىندەردەن اقشا تابۋعا كومەكتەسەتىن پلاتفورمانىڭ مىسالى رەتىندە Writers Access-كە نازار اۋدارىپ كورىڭىز.
- مۋزىكا
نارىقتا مۋزىكا جازا الاتىن نەيروندىق جەلىلەر بار. مۇنداي جوبانىڭ ءبىرى – Boomy. ونىڭ كومەگىمەن ءسىز تىڭداۋدان پايدا تابۋ ءۇشىن بىرەگەي ترەكتەردى جاساي الاسىز، سودان كەيىن ولاردى Spotify جانە Apple Music سياقتى پلاتفورمالارعا جۇكتەي الاسىز.
جالپى، جۇمىس ىستەيمىن دەگەن كىسىگە تاقىرىپ كوپ. وسىلاردىڭ ءارقايسىسىنىڭ ارتىندا ميلليوندار اينالىپ جاتىر.
ايتپاقشى، مەنىڭ كىتابىم امازونعا ناۋرىزدا شىققان، ەكىنشى كىتاپتى ەندى قويامىن. ءماتىنىن جازدىرىپ قويعانمىن. تەك از جۇمىسى قالدى.
«اlmaty-akshamۋ»، №86، 20 شىلدە، 2023 جىل