SDN تىزىمىنەن شىققان Bereke Bank Swift جۇيەسىنە قايتا قوسىلدى. ەندى مەملەكەتتىك Bereke Bank كليەنتتەرى B-Bank ءموبيلدى قوسىمشاسىندا SWIFT حالىقارالىق اۋدارىمدارىن اقش دوللارىمەن جانە ەۋرومەن قايتادان جاساي الادى. دەمەك، حالىقارالىق اۋدارىمداردا ەش شەكتەۋ جوق. وسىلايشا ۆتب-نى ەسەپتەمەسەك، قازاقستاننىڭ بانك سەكتورى تۇتاس سانكسيادان شىقتى.
دوللارمەن جانە ەۋرومەن ونلاين اۋدارىمدارىن ىسكە قوسۋ Bereke bankء-تىڭ وپەراسيالىق قىزمەتتى قالپىنا كەلتىرۋ جوسپارلى جۇمىسى شەڭبەرىندە ورىندالعان كەزەكتى قادامى بولدى. ەندى سوڭعى ساتى – Visa جانە Mastercard حالىقارالىق تولەم جۇيەلەرى بويىنشا كارتادان كارتاعا جاسالاتىن اقشا اۋدارىمدارىن قالپىنا كەلتىرۋ بولىپ وتىر. بۇل قازاقستاننىڭ بانك سەكتورى ءۇشىن جاقسى جاڭالىق.
قازاقستان ۇكىمەتى سانكسياعا ۇشىراعان سبەربانك كونگلامەراتىنىڭ بىزدەگى بانكىن ساتىپ الىپ، ونىڭ اتىن اۋىستىرىپ، اقش-تىڭ سانكسيا تىزىمىنەن شىعارىپ العان بولاتىن. تۋرا وسىنداي كۇي كەشكەن بىزدەگى الفا-بانكتى سەنتركرەديت ساتىپ الىپ، جۇتىپ قويدى. تەك ۆتب بانك قانا قازاقستانداعى بانكىن ساتپاي، سانكسيا رەجيمىندە جۇمىس ىستەۋگە ىڭعايلاي باستادى.
ەلدەگى بارلىق بانك پرۋدەنسيالدى نورمالاردى ساقتاپ وتىر. ال 2023 جىلعى 1 ماۋسىمداعى جاعداي بويىنشا بانك سەكتورى اكتيۆتەرىنىڭ كولەمى 45،4 تريلليون تەڭگەگە جەتتى. بۇل ءبىر اي بۇرىنعى دەڭگەيدەن 1،2%-عا جوعارى.
مامىر ايىنداعى اكتيۆتەردىڭ ءوسىمى بويىنشا Shinhan Bank كوش باستاپ كەلەدى. سول ايدا التى بانك اكتيۆتەرىنىڭ تومەندەۋىن تىركەگەن. ەۋرازيالىق بانك (-4،1%) جانە KZI (-3،4%) قۇلدىراۋ بويىنشا كوش باستادى.
نەسيە پورتفەلى نەمەسە بانكتەردىڭ كليەنتتەر قولىنداعى قازىرگى نەسيە كولەمى 25،5 تريلليون تەڭگەنى قۇراپ وتىر. تىم تەز ءوسىپ جاتقان بانكتەر ىشىنەن Freedom Bankء-تى اتاپ ايتۋعا بولادى.
ماۋسىم ايىنىڭ قورتىندىسى بويىنشا وسى جاعىمدى ترەند ساقتالۋى ءتيىس.
«اlmaty-akshamۋ»، №86، 20 شىلدە، 2023 جىل