تابيعاتتى قورعاۋ قىزمەتكەرلەرىنىڭ ايلىعى كوبەيدى

ولاردىڭ جالاقىسىنا 100% ۇستەمە قوسىلادى.

قازاقستاننىڭ تابيعاتتى قورعاۋ مەكەمەلەرى قىزمەتكەرلەرىنىڭ جالاقىسى كوتەرىلدى، دەپ حابارلايدى Almaty-akshamy.kz ۇكىمەتتىڭ باسپا ءسوز قىزمەتىنە سىلتەمە جاساپ.

بيىلعى1 شىلدەدەن باستاپ قازاقستاننىڭ تابيعاتتى قورعاۋ مەكەمەلەرى قىزمەتكەرلەرىنىڭ جالاقىسىنا 100% ۇستەمەاقى قوسىلادى.

ق ر ۇكىمەتى مەملەكەت باسشىسىنىڭ اتالعان سالادا ەڭبەك جاعدايلارىن جاقسارتۋ جونىندەگى تاپسىرماسىن ورىنداۋ اياسىندا ءتيىستى قاۋلى قابىلدادى.

قۇجاتتا ادام ءومىرى مەن دەنساۋلىعىنا ءقاۋىپ توندىرەتىن جۇمىس ءۇشىن قوسىمشا اقى بەلگىلەۋ كوزدەلگەن.

ەڭبەك جاعدايلارى ەرەكشە قۇرىلىمداردىڭ قاتارىنا جانۋارلار دۇنيەسىن قورعاۋ، ورماندى قورعاۋ جانە قالپىنا كەلتىرۋ، مەملەكەتتىك ورمان قورعاۋ جانە ت.ب. مامانداندىرىلعان ۇيىمدار جاتادى.

ەندى قىزمەتكەرلەردىڭ ورتاشا جالاقىسى اتقاراتىن قىزمەتى مەن جۇمىس وتىلىنە بايلانىستى 101 مىڭنان 320 مىڭ تەڭگەگە دەيىن ۇلعايادى.

جالپى وسى سالادا 12 876 قىزمەتكەردىڭ جالاقىسى كوتەرىلەدى. بۇل شارا بىلىكتى كادرلاردىڭ تۇراقتاپ قالۋىنا جانە جالپى جۇمىستىڭ تارتىمدىلىعىن ارتتىرۋعا مۇمكىندىك بەرەدى دەپ كۇتىلۋدە.